27 mamyrǵa qaraǵan túni Hromtaý aýdandyq PB kezekshi bólimine Hromtaýdan 75 shaqyrym jerde jol-kólik oqıǵasy bolǵany týraly habarlama túsken.
24 jastaǵy Nissan Teana júrgizýshisi Aqqudyq aýyly mańynda jol erejesin buzyp, qarsy qozǵalys jolaǵyna shyǵyp ketken. Osylaısha, Hromtaý aýdanynyń 44 jastaǵy turǵyny tizgindegen VAZ-2115 kóligimen soqtyǵysqan. Jol apaty saldarynan oqıǵa ornynda VAZ-2115 kóliginiń júrgizýshisi men jolaýshysy qaıtys bolǵan. Sonymen qatar Nissan Teana kóliginiń júrgizýshisi men VAZ-2115 avtokóliginiń úsh jolaýshysy Hromtaý qalasynyń ortalyq aýdandyq aýrýhanasyna jetkizilgen.
Bul derekke qatysty QR Qylmystyq kodeksiniń 345-baby 4-bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha sotaldy tergeý bastaldy. Saraptama taǵaıyndaldy.
