Qoǵam • 27 Mamyr, 2022

Erlan Qarın Almatydaǵy konsertte oryn alǵan keleńsiz jaıtqa qatysty pikir bildirdi

67 ret kórsetildi

Memlekettik hatshy Erlan Qarın Almatydaǵy konsertte oryn alǵan keleńsiz jaıtty aıyptady, dep habarlaıdy Egemen.kz.



«Almaty qalasyndaǵy konsert kezinde bolǵan oqıǵa qazir qoǵamda qyzý talqylanyp jatyr. Bizdiń bilýimizshe, konsertti «NS group» JShS uıymdastyrǵan. Shiza laqap atyn ıelengen azamattyń Memlekettik týǵa qatysty áreketi jiti tekserilip, oqıǵanyń mán-jaıy anyqtalýy qajet. Konsertte ishimdik ishilgendikten mundaı áreketke jol berilgen dep oılaımyn. Jastar osy bir keleńsiz oqıǵadan sabaq alyp, qarapaıym mádenıet pen etıketti meńgerýi qajet», dep jazdy Erlan Qarın Facebook-paraqshasynda.

Onyń atap ótýinshe, mundaı aýqymdy is-sharalardy uıymdastyrýshylar da jaýapkershilikti sezinýi kerek. Olar konsert uıymdastyrǵan kezde ishimdiktiń ishilýine jol bermeýge, basqa da oqys oqıǵalardyń aldyn alýǵa tıis.

«Biz memlekettiligimizdiń, Táýelsizdigimizdiń sımvoly sanalatyn Memlekettik týǵa zor qurmetpen qaraýymyz qajet. Ony aıaqasty etýge jol bermeýimiz kerek. Týymyzdy nemese basqa da rámizderimizdi qorlaǵan áreketter quqyqtyq-normatıvtik aktilerge sáıkes jaýapkershilikke tartylady. О́ıtkeni zań barshaǵa ortaq. Elimizdiń árbir azamaty Memlekettik týdy qurmettep, qaster tutýy qajet dep sanaımyn», dedi Memlekettik hatshy.

Aıta keteıik, búgin áleýmettik jelilerde Almatydaǵy Balýan sholaq atyndaǵy sport saraıynda ótken «Irına Kaıratovna» tobynyń konsertinen vıdeoúzindi jarııalandy. Onda sahna tórinde turǵan jas ánshilerdiń biriniń Memlekettik týdy laqtyrmaq bolǵanyn kórýge bolady. 



 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar