Oqıǵa • 28 Mamyr, 2022

«Býrabaı» ulttyq parkinde 14 órt aýyzdyqtaldy

25 ret kórsetildi

«Býrabaı» ulttyq parkinde eki kúnde 14 órt jaǵdaıy tirkeldi. О́rt sóndirýshiler 600 metr bıiktikke sýdy qolmen tasyp, jalyndy aýyzdyqtady. Bul týraly Qazaqstan Respýblıkasy Prezıdenti Is basqarýshysy Aıbek Dádebaev Telegram-da jazdy, dep habarlaıdy Egemen.kz.



«Osy kúnderi «Býrabaı» memlekettik ulttyq parkiniń qyzmetkerleri táýlik boıy ormandy órtten qutqarý úshin talmaı jumys istedi. 26 men 27 mamyrda ulttyq parktiń jeti ormanshylyǵynda naızaǵaı saldarynan 14 tótenshe jaǵdaı tirkeldi. Shalt qımyldaǵan mamyndardyń arqasynda órt 10-20 mınýttyń ishinde tolyq aýyzdyqtaldy», dep jazdy A.Dádebaev.

Onyń málimetinshe, tutanǵan jalyn týraly barlyq málimetti Smart Burabay monıtorıng júıesi anyqtady: tótenshe jaǵdaıdyń týyndaǵany jaıly sıgnal jedel basqarý ortalyǵynyń pýltine kelip túsken soń, birden operatorlar órt sóndirý toptaryna habar bergen. Otpen 35 maman kúresken.

«Prezıdent Is basqarmasynyń tapsyrysymen engizilgen avtomattandyrylǵan zamanaýı júıelerdiń arqasynda ormanda órtti anyqtaýdyń ortasha ýaqyty - 2 mınýt. Naızaǵaı túsip, ot tutanǵan eń bıik núkte Býra taýy boldy (690 metr). Aýmaq tasty-topyraqty jáne tik eńseli bolyp kelgendikten órt sóndirýshiler sýdy qolmen 600 metr bıiktikke tasýǵa májbúr bolǵan. Tilsiz jaýdy der kezinde aýyzdyqtap, tabıǵatqa zııan keltirýge jol bermegen barlyq janǵa alǵys bildiremin!», dep jazdy QR Prezıdenti Is basqarýshysy.

 

Sońǵy jańalyqtar

Dollar arzandady

Qarjy • Keshe

Uqsas jańalyqtar