«2020 jyldyń 19 qazanynda Bas prokýratýraǵa sottalǵan Aqjarqyn Turlybaıdyń Qazaqstanǵa aýysýy týraly jazbasha ótinish kelip tústi. Sol kúni Qytaı tarapyna tıisti suranys jiberildi. QHR Ádilet mınıstrliginiń 03.03.2021 jylǵy jaýabyna sáıkes Aqjarqyn Turlybaıdy jazasyn odan ári óteý úshin Qazaqstan Respýblıkasyna berýden ómir boıyna sottalǵandyǵyna baılanysty bas tartyldy», dedi bas prokýrorlar halyqaralyq yntymaqtastyq departamentiniń bastyǵy Ǵalymjan Qoıgeldıev.
Sondaı-aq prokýror qazaqstandyq tarap Turlybaıdy Qazaqstanǵa aýystyrýǵa úmitin úzbeıtinin, eger Qytaı soty sottalýshynyń jazasyn qysqartyp, jazany óteýdiń naqty ýaqytyn taǵaıyndasa, bári múmkin ekenin aıtty.
«Qytaıdaǵy Qazaqstan elshiligi qoldanystaǵy zańǵa sáıkes A.Turlybaıdyń jaza merzimin qysqartý úkimi zańdy kúshine engen sátten 2-3 jyl ótkennen keıin múmkin bolatynyn aıtty. Bul másele turaqty baqylaýda. A.Turlybaıǵa qatysty jaza jeńildese ne jazanyń naqty merzimi aıtylsa Bas prokýratýra ony Qazaqstanǵa aýystyrý týraly qaıtadan suraý salýǵa bastamashylyq jasaıdy», dedi Ǵ.Qoıgeldıev.
Bas prokýratýra Qazaqstan Respýblıkasynyń sottalǵan azamattaryn elge qaıtarý 2015 jyldyń 30 qyrkúıeginde Beıjińde qol qoıylǵan ekijaqty kelisimmen retteledi. Mundaı kelisim barlyq elde joq.
Eske sala keteıik, qazaqstandyq Aqjarqyn Turlybaı 2014 jyly naýryzda Gýanjoý áýejaıynda ustalǵan edi. Keıin ony ómir boıyna bas bostandyǵynan aıyrǵan bolatyn. Biraz ýaqyttan keıin sot úkimi joıylyp, is qaıta qaraýǵa joldanǵan.
