«Nano-Opera» baıqaýy 2013 jyldan beri eki jylda bir ótedi. Joǵary kásibı qazylar alqasynyń quramynda kórkemdik jetekshiler, jetekshi halyqaralyq opera teatrlarynyń dırektorlary men rejısserleri, tanymal teatr menedjerleri men prodıýserleri bar.
«Bul baıqaý jas opera rejısserlerine arnalǵan. Jas rejısserler úshin teatr álemine joldama desek te bolady. Halyqaralyq baıqaýdyń mańyzy zor, onyń ústine opera eń qymbat óner túri. Birneshe kezeńnen turatyn irikteý men týrdyń nátıjesinde sońynda 6 úmitker ǵana qaldyq. Jalpy 200-den astam adam qatysty. Olardyń kóbisi rejısser bolyp jumys istep júrgender», dedi Erenbaq Toıkenov tilshilerge bergen suhbatynda.
Otandasymyz halyqaralyq baıqaý barysynda birneshe qoıylymnan úzindi kórsetken. Atap aıtsaq, «Sıbırskıı sırıýlnık», «Karmen» jáne hor týyndylary.
Sondaı-aq Erenbaq Toıkenov negizgi júldeden bólek, medıa salasy boıynsha iri basylymdardyń «Operalyq rejıssýra ónerine degen jasampaz kózqarasy úshin» jáne «kórermender kózaıymy» syndy 2 arnaıy syılyǵyna ıe bolǵan.
Saltanat Kenjebaı
