«Joǵary oqý ornyna baratyn balalarǵa granttardyń sany 88 214-ke artty. 2021 jylmen salystyrǵanda 15 myńǵa kóp. Tehnıkalyq mamandyqtarǵa granttar - 60, aýyldyq kvota 35 paıyzǵa ulǵaıdy. Áleýmettik az qamtylǵan sanattarǵa 7 myńnan asa grant bólindi», dedi ol.
Vıse-mınıstrdiń aıtýynsha, bıyl kolledjderge túsetin balalarǵa tehnıkalyq jáne kásiptik bilim berýge 45 myń orynǵa respýblıkalyq bıýdjetten 10 mlrd teńge bólindi. Sóıtip memlekettik tapsyrys 40 paıyzǵa ulǵaıdy.
«Oqýǵa túsýshiler úshin túsý emtıhandary alynyp tastaldy. Endi olar attestattyń ortasha baly arqyly qabyldanady. Talapker 4 kolledj ben 4 mamandyqty ózi tańdaıdy, 3-ke deıin birneshe biliktilik alýǵa múmkindik jasaldy. Kásiporyndarǵa maqsatty memlekettik tapsyrys berildi. Endi kásiporyndar stýdentterdi ózderi tańdap, oqý baǵdarlamalaryn oqý ornymen birge jazyp, qajetti mamandardy merziminde daıyndaı alady. Jeńildikpen qabyldaý kvotasynyń tizbesi 9 sanatqa deıin keńeıtildi», dedi Sholpan Karınova.
