«Qasym-Jomart Toqaev osy jylǵy 16 naýryzdaǵy «Jańa Qazaqstan – jańarý men jańǵyrý joly» atty Qazaqstan halqyna Joldaýynda aýqymdy konstıtýsııalyq reformalarǵa bastama jasaǵanyn bilesizder. Bul Konstıtýsııalyq reformalardyń saıası máni – basqarýdyń sýperprezıdenttik úlgisinen yqpaldy Parlamenti bar prezıdenttik basqarý formasyna kóshý. Bul qadam saıası júıeni sapaly transformasııalaýdy kózdeıdi. Sondaı-aq Qazaqstan tarıhyndaǵy jańa kezeńniń bastalýy, Ekinshi Respýblıkaǵa kóshý týraly áńgime qozǵaýǵa múmkindik beredi», dedi ol. Abdaly Nuralıev Konstıtýsııadaǵy ár baptyń ózgerisine jeke-jeke toqtaldy. Atap aıtqanda, Prezıdent týystarynyń kvazımemlekettik sektor men memlekettik qyzmette basshylyqqa taǵaıyndalmaıtyndyǵy jónindegi ózgertýlerge keńinen túsinikteme berdi. Jer jáne jer qoınaýy halyqtyń menshigi ekenin, ólim jazasyna tyıym salý, Prezıdent jáne sýdıalar, saılaý komıssııasynyń ókilderi eshqandaı partııanyń músheliginde bolmaýǵa tıis ekenin aıtty. Kezdesýde Prezıdenttiń bastamasy elde tyń saıası reformalardy júzege asyrýdyń, bılik ınstıtýttary arasyndaǵy konstıtýsııalyq qurylymdy jetildirýdiń tıimdi tásili ekeni aıtyldy. Depýtat azamattardyń suraqtaryna jaýap berdi. Jıyn sońynda kópshilik 5 maýsym kúni ótetin respýblıkalyq referendýmǵa belsendi qatysatyndaryn jetkizdi.
Budan keıin Senat depýtaty Abdaly Nuralıev Aýylsharýashylyǵy mınıstrligi Veterınarııalyq baqylaý jáne qadaǵalaý komıteti oblystyq aýmaqtyq ınspeksııasynyń qyzmetkerlerimen kezdesip, №88 referendým ýchaskesiniń daıyndyǵymen tanysty.
Jambyl oblysy
