Respýblıka shet memleketterge astyq, kómir, munaı ónimderin, tyńaıtqyshtar, hımııalyq jáne basqa da zattardy eksporttaıdy. Port jyl boıy barlyq túrdegi kemelerdi qabyldaıdy. Mundaǵy ashyq qoımalarda 2 jarym myń konteıner saqtaýǵa bolady.
«Biz Transkaspıı halyqaralyq kólik baǵyty qaýymdastyǵyn qurdyq. Oǵan osy proseske qatysýshylardyń barlyǵy kiredi. Árıne, bul baǵyttyń tar tustaryn keńeıtemiz. Biz sıfrlandyrý, kedendik rásimderdi jeńildetý, jedeldetilgen prosester arqyly ótkizý qabiletin 20 paıyzǵa deıin arttyra alamyz», dedi Aqtaý Halyqaralyq teńiz saýda portynyń prezıdenti Abaı Túrikpenbaev.
Al Quryq portymen elimizge kólik, azyq-túlik, ónerkásiptik qural-jabdyqtar, qurylys materıaldary ımporttalady. Tranzıtpen elektronıka, toqyma, metall buıymdary ákelinedi. Mundaǵy ınfraqurylym avtomobıl jáne temirjol aılaqtarynan turady. Sońǵysynyń qýattylyǵy jylyna 4 mıllıon tonnaǵa jetedi. Eki aılaq bir mezette tórt paromǵa qyzmet kórsete alady.
«О́tken aıda tasymal kólemin úsh esege arttyrdyq. Bul avtokólik pen vagon sany úsh ese kóp degen sóz, nátıjesinde úsh ese kóp júk óńdeldi. Túrkııanyń búkil logıstıkasy avtokólikterge negizdelgen. Sondyqtan biz de eýrofýralarǵa arnap dáliz qurýǵa nazar aýdardyq», dedi Quryq portynyń bas dırektory Serik Ahmetov
Kóptegen halyqaralyq dálizderdiń taǵy bir quramdas bóligi Kaspıı teńiziniń shyǵys jaǵalaýynda ornalasqan. Aqtaý soltústik termınalynan júkter negizinen Iran, Reseı jáne Ázerbaıjan baǵyttaryna jóneltiledi.
