Nur-Sultan qalasynda 3-19 maýsym kúnderi, «Qazanat» atshabarynda jamby atý men teńge ilýden eresekter, jastar jáne jasóspirimder arasynda Qazaqstan Chempıonaty ótedi. Jáne de, 4 maýsym kúni shabandozdar taı, qunan, top jáne alaman báıge túrlerinen synǵa túsedi.
Jamby atý men teńge ilý jarysyna elimizdiń barlyq óńirlerinen jınalǵan 150-den asa sportshy qatysady dep kútilýde.
Jamby atý jarysy koreı, túrik jáne qazaq stılderinde, al teńge ilý el chempıonaty 2021 jyly bekitilgen jańa erejege sáıkes ótedi.
Jalpy teńge ilý saıysy irikteý syndaryna 5, fınaldyq kezeńde 7 teńgeden qoıylady.
Sonymen qatar jamby atý jáne teńge ilýden eresekter arasyndaǵy Qazaqstan chempıonaty 3-6 maýsymda, jastar chempıonaty 9-13 maýsymda, jasóspirimder chempıonaty 15-18 maýsymda ótedi.
Chempıonattyń jalpy júlde qory – 1,5 mln teńge.
Sondaı-aq jarystyń ashylý saltanaty aıasynda shabandozdar úsh shaqyrymdyq taı jarys, alty shaqyrymdyq qunan báıge, top báıge on eki shaqyrym jáne 18 shaqyrymdyq alaman báıge boıynsha synǵa túsedi.
Jarysqa elimizdiń barlyq óńirlerinen jınalǵan 60-qa jýyq sáıgúlik qatysady. Tórt qashyqtyqta ótetin báıgeniń júlde qory 5 mln teńgeni quraıdy.
Jarystyń ashylý saltanaty 4 maýsym kúni 10:00-de bastalady. Jarys kestesine sáıkes chempıonattyń ótý ýaqyty saǵat 10:00-den 18:00-ge deıin.
Aıana Toǵanbek
