Oblystyq aýmaqtyq referendým komıssııasynyń málimetine súıensek, qazir óńirde 9 aýmaqtyq, 261 ýchaskelik referendým komıssııasy jumys istep tur. Komıssııalardyń quramynda 1 968 múshe bar.
«Oblysta respýblıkalyq referendýmǵa qatysýǵa quqyǵy bar 396 323 adam tirkeldi. Daýys berýshiler 261 referendým ýchaskesinde daýys beredi. Al aýrýhanalar, ýaqytsha qamaý oryndary men áskerı bólimshelerde 11 jabyq ýchaske ashyldy», dep málim etti aýmaqtyq referendým komıssııasynan.
О́ńirdegi 255 referendým ýchaskesinde pandýs ornatylǵan. Bul ýchaskelerdiń bári taktıldik belgilermen, kózi nashar kóretin adamdar aýdıonusqany tyńdaǵannan keıin bıýlletendi toltyrý úshin trafarettermen qamtylǵan.
«Atyraý qalasy men aýdandar ortalyqtarynda 39 ınvataksı múmkindigi shekteýli adamdarǵa qyzmet kórsetedi. Qulaǵy estimeıtin adamdar úshin 12 sýrdoaýdarmashy bar», dep habarlady aýmaqtyq referendým komıssııasynan.
Sondaı-aq Atyraý qalasynda, Jylyoı, Isataı, Qurmanǵazy, Qyzylqoǵa, Maqat aýdandarynda vahtalyq ádispen jumys isteıtinder bar. Olar 43 ýchaskelik komıssııada daýys beredi.
