«О́zin ekinshi deńgeıdegi banktiń qyzmetkeri retinde tanystyrǵan beıtanys adam uıaly telefonǵa qońyraý shalyp, áıeldiń shottaryn alaıaqtardan qorǵaýdy usyndy. Osylaısha, banktiń jalǵan qyzmetkeri áıelge kelip túsken SMS-habarlamadaǵy kodty aıtýyn surady. Kodty alyp alǵan alaıaq áıeldiń barlyq jınaqtaryn óz shotyna aýdardy», delingen Aqtóbe oblysy PD baspasóz qyzmeti taratqan habarlamada.
Vedomstvonyń málimetinshe, Hromtaý turǵyny 10 mln teńgeden aıyryldy.
«Atalǵan fakti boıynsha QR QK 190-baby 3-bóligi «Alaıaqtyq» boıynsha sotqa deıingi tergeý bastaldy. Qazirgi ýaqytta kúdiktilerdi anyqtaýǵa jáne ustaýǵa baǵyttalǵan jedel is-sharalar júrgizilýde», dep qosty PD baspasóz qyzmeti.
Oblystyq polısııa qyzmetkerleri bank qyzmetkerleri klıentke kúdikti tranzaksııalar týraly habarlaý úshin eshqashan qońyraý shalmaıtynyn eske saldy.
