«Jalpy Mańǵystaý oblysynda 8 860 sheteldik azamat turady. Tártip saqshylary 2 myńǵa jýyq sheteldikti QR ÁQBtK-niń 517-baby (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) boıynsha ákimshilik jaýapkershilikke tartty. Osy jyldyń 5 aıynda sot organdarynyń sheshimimen 138 sheteldik Qazaqstan Respýblıkasynyń aýmaǵynan tysqary shyǵaryldy.
Jyl basynan oblys boıynsha, ıaǵnı, kóshi-qon zańnamasyn buzǵany úshin sotqa deıingi tergep-tekserýlerdiń biryńǵaı tizilimine sáıkes, QR QK-niń 392-baby (Qazaqstan Respýblıkasynyń Memlekettik shekarasyn qasaqana zańsyz kesip ótý) boıynsha 2 sheteldik adam anyqtaldy», delingen saıt aqparatynda.
Sonymen qatar turǵylyqty jeri boıynsha ishki kóshi-qondy baqylaýdy qamtamasyz etý barysynda 21 913-ke jýyq azamat tirkelgen. Jeke kýálikter men pasporttardy rásimdeýge 39 754 ótinim qaralyp, osy ýaqyt aralyǵynda Qazaqstan Respýblıkasynyń azamattyǵyna 1270 adam qabyldandy.
