Qala turǵyndary áleýmettik jeli akkaýnttarynda jarnamany kórgennen keıin týrıstik joldamaǵa tapsyrys bergen.
Mobıldi qosymshanyń «aýdarym» servısi arqyly joldamaǵa aldyn ala tólem jiberip, fırma menedjerimen WhatsApp messendjeri arqyly hat jazysqan. Aqsha sátti aýdarylǵannan keıin menedjer WhatsApp-taǵy klıentterdi buǵattap, telefon qońyraýlaryna jaýap bermeı birden baılanysqa shyǵýdy toqtatqan.
Keltirilgen shyǵynnyń somasy ár túrli – 90 myńnan 360 myńǵa deıin.
«Qazir krımınaldyq polısııa qyzmetkerleri kúdiktilerdi anyqtaý boıynsha jedel izdestirý is-sharalaryn júrgizýde», deıdi tártip saqshylary.
Polıseıler azamattardan aqshany beıtanys adamdarǵa jibermeýdi, fırmalar men ınternet dúkenderdiń kórsetetin qyzmetterin muqııat zertteýdi; túsinikterdi, pikirlerdi oqýdy jáne sodan keıin ǵana qarjy operasııasyn jasaýdy suraıdy. Aldanǵan jaǵdaıda dereý polısııaǵa júginý qajet», dep habarlady Polisia.kz.
