Atyraý oblystyq densaýlyq saqtaý basqarmasynyń basshysy Ashan Baıdýálıevtyń aıtýynsha, koronavırýs ınfeksııasyna qarsy vaksına saldyrǵan adamdardyń sany – 365 760 adam. Osy kezge deıin vaksınalardyń I komponentin saldyrǵan adamdardyń sany 271 222 adam (74,1%) alǵan. Al, II komponentin 258 796 (70,7%) ektirgen.
«Atyraý oblysynda revaksınasııalaý tizimine 215 766 adam engizildi. Bıylǵy maýsym aıyna deıin 77 611 (35,97%) adam revaksınalaýdan ótti. «Pfizer» vaksınasyn alatyndardyń tizimine 65 086 adam bar. Qazir atalǵan vaksınanyń I komponenti 15 393 adamǵa, al, II komponenti 10 586 adamǵa egildi. Onyń ishinde I komponentti saldyrǵan 406 júkti, 3 497 bala emizetin áıel, 4 750 bala, 4 504 ózge sanattaǵy adam bar. Bul vaksınanyń II komponentin 370 júkti, 3 226 bala emizip otyrǵan áıel, 4 086 bala, 2 098 ózge adamdar aldy. Vaksınanyń eki komponetin 3 042 revaksınasııa maqsatynda saldyrdy», -dep málim etti Ashan Baıdýálıev.
Onyń aıtýynsha, «Pfizer» vaksınasyn kez-kelgen adam tegin alýyna bolady. Aýrýhanaǵa jatqyzylatyn naýqastardan PTR-test pen vaksına kýáligi suratylady.
