Tehnologııa • 13 Maýsym, 2022

IT-salasy – zaman talaby

37 ret kórsetildi

Zaman talabyna saı qazirgi tańda álem boıynsha IT-salasyna suranys úlken. Qazaqstan da aqparattyq tehnologııa aǵymynan qalyspaı, tehnoparkter qurý, mamandar daıarlaýǵa erekshe den qoıyp jatyr. Prezıdenttiń elimizde 100 myń IT-maman daıarlaý jóninde arnaıy tapsyrmasy da bar. Jaqynda Sıfrlyq damý, ınnovasııalar jáne aeroǵarysh ónerkásibi mınıstrligi ınnovasııalyq ekojúıe men IT-salany damytý máselelerin keńinen talqylady.

Mınıstrdiń aıtýynsha, búginde «Astana Hub halyqaralyq IT-startaptar tehnoparki» korporatıvtik qory bazasynda IT-mektepterge vaýcherler (granttar) bólý tetigi ázirlengen 2021 jyly Astana Hub óz qarajaty esebinen 13 IT-baǵdarlamalaý mektebiniń 100 stýdentin qarjylandyrǵan. Baǵdarlamany keńeıtý aıasynda bıyl taǵy 3 myń grant bólý jos­parlandy.

Vedomstvo habarlaǵandaı, IT-kadr­lardy oqytý 20 myńnan astam jańa jumys ornyn qurýǵa jáne aqparattyq kommýnıkasııalyq tehnologııalar qyzmetteriniń eksportyn 2025 jylǵa qaraı 500 mln dollarǵa deıin ulǵaıtýǵa septigin tıgizedi. Alaıda bul úshin IT-mamandardyń bilim sapasyn arttyrý qajet. Búginde respýblıka boıynsha 77 joǵary oqý orny IT-mamandardy daıyndasa, jyl saıyn 10 myńnan astam IT-maman eńbek naryǵyna jiberiledi. Biraq kadrlar kóp jaǵdaıda zamanaýı talaptarǵa sáıkes kele bermeıdi eken. Sondyqtan osy salaǵa sapaly mamandar daıarlaý da kún tártibinde tur.

Salany neǵurlym sıfrlandyrý maq­satynda qujattardy elektrondy qa­byl­daýǵa da mán berilýde. Osyǵan baılanys­ty aqparattyq júıelerdiń daıyn­dyǵyn da mınıstrlik erekshe atap ótti. Mı­nıstr B.Mýsınniń habarlaýynsha, 2022 jyly 160 myń túlek kolledjderde jáne 140 myń túlek joǵary oqý oryndarynda bilim alady degen boljam bar.

«Qujattardy qabyldaý jáne bilim be­rý granttaryn bólý kezeńinde elektrondy júıelerdiń úzdiksiz jumys isteýin qamtamasyz etý kerek. Biz negizgi problemalardy anyqtadyq. Barlyq sıfr­ly sheshimdi tekserip, qolbaılaý bolyp otyrǵan máselelerdi retke keltirýimiz qajet. Bul shekti baldardy esepke alý, ótinishterdi qabyldaý prosesi jáne bir talapkerdiń ótinishti qaıtalap jiberýin boldyrmaý jáne basqa da máseleler. Barlyq túlekke barynsha qolaıly jaǵdaı jasaý úshin birlesip jumys isteýimiz kerek. Bul ár adam turǵylyqty jerine qaramastan elektrondy qyzmetterdi kedergisiz paıdalaný múmkindigine ıe bolý úshin mańyzdy», deıdi mınıstr.

B.Mýsın «Atameken» UKP bazasynda IT-fakýltetterdiń reıtıngin engizýdi usyndy. Vedomstvo aqparattyq-kommýnıkasııalyq tehnologııalar salasyndaǵy sarapshylarmen birge reıtıng tujyrymdamasynyń jobasyn daıyndaǵan.

Jalpy, sıfrlandyrý bilim berý salasyna, belsendi túrde engizilip jatyr. Búginde mınıstrlik «vırtýaldy muǵalim» zamanaýı IT-platformalaryn engizý boıynsha jumys júrgizýde. Atalǵan júıege qazirgi kezde Qazaqstan boıynsha 150-den astam jalpy bilim beretin mektep qosylǵan. Degenmen ınformatıka muǵalimderiniń biliktiligine qatysty problemalar kezdesedi. Osyǵan baılanysty biliktilikti arttyrýǵa ba­ǵyt­talǵan baǵdarlamany nemese kýrs­tar­dy ázirleý boıynsha usynys aıtyldy.

Sondaı-aq jaqynda mınıstrlikte ótken jıynda qazaqstandyq joǵary oqý oryn­darynyń janynan tehnopark­ter qurý máselesi de talqylanǵan edi. Al onyń aldynda Memleket basshysy Úkimet pen jaýapty mınıstrlikterge ǵylymı zerthanalar men tájirıbelik-synaq ınfraqurylymyn damytýǵa maqsatty granttar bóle otyryp, JOO janyndaǵy ǵylymı-tehnologııalyq parkterdi qoldaý baǵdarlamasyn iske qosýdy tapsyrǵan bolatyn.

Sıfrlyq damý mınıstrligi 2022 jyly óńirlik IT-tehnoparkterge qoldaý kórsetý jónindegi baǵdarlamany iske qosýdy josparlap otyr, ol óńirlerde jastardy No Code School, Startup School jáne t.b. sııaqty Astana Hub baǵdarlamalary, jer­gilikti taqyryptyq is-sharalardy ót­ki­zý, ádisnamalyq qoldaý, sondaı-aq Techpreneurs, preScalerator, Scalerator, ınkýbasııalyq jáne akselerasııalyq baǵdar­lamalary arqyly IT-kásipkerlikte ózekti jáne suranysqa ıe mamandyqtarǵa oqytý da kún tártibinen túspeıtin máselege aınalmaq.

Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar