Baǵalaý qorytyndysy boıynsha bizdiń elimiz úshin Sybaılas jemqorlyqqa qarsy is-qımyl sharalarynyń tıimdiligin arttyrýǵa 27 usynym baǵyttalǵan. Bul usynymdar 2022 jylǵy 21-25 naýryz aralyǵynda GREKO-nyń plenarlyq otyrysy aıasynda bekitilgen. Olar ámbebap sıpatqa ıe jáne Eýropa Keńesiniń standarttaryna negizdelip sybaılas jemqorlyqqa qarsy konvensııalar men basqa da quqyqtyq quraldarmen belgilengen.
Atalǵan usynystardyń edáýir bóligi Memleket basshysy jaqynda bekitken 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasynda qarastyrylǵan.
GREKO azamattyq qoǵamnyń sheshim qabyldaýǵa qatysýynyń, sot pen quqyq qorǵaý organdarynyń saıası yqpaldan táýelsizdigin arttyrýynyń, memlekettik apparatta, onyń ishinde saıası qyzmetshilerdi jaldaý jáne joǵarylatý kezinde merıtokratııany qamtamasyz etýiniń mańyzdylyǵyn atap ótti.
GREKO standarttaryn engizýi Qazaqstannyń sybaılas jemqorlyqqa qarsy júıesin jańa deńgeıge shyǵarýǵa yqpal etedi jáne eýropalyq eldermen, onyń ishinde aktıvterdi ekstradısııalaý jáne qaıtarý jelisi boıynsha yntymaqtastyqty kúsheıtedi dep kútilýde.
Eýropa Keńesi GREKO usynymdaryn júzege asyrýǵa jan-jaqty qoldaý kórsetýge daıyn.
