«Memleket boryshynyń ósýi respýblıkalyq bıýdjet tapshylyǵyn jabý qajettiligimen jáne mańyzdy áleýmettik jobalardy qarjylandyrý maqsatynda qaryz alýmen baılanysty. Degenmen, búgingi tańda memleket boryshy qaýipsiz deńgeıde saqtalyp, jalpy ishki ónimge shaqqanda 27,4%-dy quraıdy», dedi Erulan Jamaýbaev.
Qarjy mınıstriniń aıtýynsha qaryzdy basqarý máselesine qatysty tıimdi sharalar qarastyrylady.
«Birinshiden, bıýdjet tapshylyǵy kezeń-kezeńimen azaıady, bul boryshtyń ósý qarqynyn tómendetýge kómektesedi. Ekinshiden, ákimshilendirýdi jaqsartý jáne sıfrlandyrý nátıjesinde salyq túsimderin birtindep ulǵaıtý josparlanyp otyr. Úshinshiden, qaryz alý kezinde ishki naryqtyń ótimdiligi barynsha paıdalanylady. Budan basqa, zańnamada syrtqy qaryz qarajatyn ýaqytyly ıgermegeni úshin memlekettik organnyń birinshi basshysynyń jaýapkershiligin belgileý jóninde norma qabyldanǵanyn atap ótkim keledi», dedi ol.
