Jyl basynan azamattyq qarýdy saqtaý jáne qaıta tirkeý erejelerin buzýdyń 562 faktisi anyqtaldy. Polısııaǵa qarýdy óz erkimen tapsyrý naýqany barysynda 23 birlik qarý tapsyryldy. QR ÁQBtK-niń 482-baby boıynsha aınalymynan – zańsyz saqtalǵan 56 birlik qarý tárkilendi. QR ÁQBtK-niń 484-baby boıynsha 403 adam ákimshilik jaýapkershilikke tartyldy.
Maýsymnyń 13-i kúni Esil aýdany polısııa bóliminiń qyzmetkerleri túngi saǵat bir shamasynda Cherýnovka aýylynda GREAT WALL kóligin toqtatty. Kóliktiń salonynda eki dana ańshylyq qarý bolǵan. Onyń biri tirkelmegen. Petropavl qalasynyń 44 jastaǵy azamatyna tirkelmegen TOZ-63, 16 kalıbrli ańshy myltyǵyn saqtaǵany úshin hattama toltyryldy. Ol QR Qylmystyq kodeksiniń 484-babynyń 1-bóligimen ákimshilik jaza arqalady. Qarý saraptamaǵa jiberildi.
«Barlyq qarý ıelerin qarýdy saqtaý erejelerin qatań saqtaýǵa shaqyramyz. Esterińizde bolsyn, bul zattarǵa jaýapsyzdyqpen qaraý aýyr zardaptarǵa ákelýi múmkin. О́z erkimen tapsyrý úshin ýchaskelik ınspektorlarǵa júginý qajet nemese 102 arnasyna habarlasý kerek», dep atap ótti SQO PD Ákimshilik polısııa basqarmasynyń bastyǵy Serik Áljanov.
Aıana Toǵanbek
