«Halyqty sapaly jáne qaýipsiz tamaq ónimderimen qamtý ishki turaqtylyqty saqtaýdyń birinshi kezektegi mindeti jáne faktory bolyp qala beredi. Senimdi azyq-túlik júıesin qurý úshin ınnovasııalyq sheshimder men ozyq tehnologııalardy engizip, azyq-túlik shyǵyndaryn azaıtý mańyzdy», dedi Qazaqstan Prezıdenti.
Q. Toqaev azyq-túlik qaýipsizdigin qamtamasyz etý tásilderin barlyq qatysýshy memleketterdiń qajettilikteri men múddelerin eskere otyryp, EAEO-ny qosa alǵanda, ulttyq deńgeılerde de, óńirlik birlestikter aıasynda da ázirleý keregin aıtty.
«Yntymaqty jumys bolmasa, osyndaı óte mańyzdy salada kózdelgen maqsattarǵa jetý qıyn. Basqasha aıtqanda, shekten tys ınflıasııamen, azyq-túlik tapshylyǵymen kúres – bizdiń ortaq mindetimiz. Qazir jáne taıaý ýaqytta bizge budan mańyzdy maqsat joq, óıtkeni ol bizdiń azamattarymyzdyń ál-aýqatyna tikeleı qatysty. Bizdiń memleketterimizdiń áleýeti naryqtarymyzdy qajetti azyq-túlik taýarlarymen turaqty jáne tolyq qamtamasyz etýge múmkindik beredi», dedi Qasym-Jomart Toqaev.
