Pavlodardan shyqqan júk poıyzy Túrikmenstan aýmaǵy arqyly ótip, birneshe kúnnen keıin Tegeranǵa keldi. Rásim barysynda memleketter basshylary poıyzdyń ary qaraı Túrkııaǵa jóneltilýine belgi berdi.
Qazaqstan Prezıdenti eki el úkimetteriniń basshylaryna jáne temirjol jetekshilerine atalǵan jobany ázirlep, júzege asyrǵandary úshin rızashylyǵyn bildirdi.
«KTZ Express» kompanııasy uıymdastyrǵan pılottyq konteınerlik poıyzdyń quramynda árqaısysynyń salmaǵy 20 fýt bolatyn 48 tirkeme bar. Poıyz 12 kúnde 6 336 shaqyrym joldy basyp ótedi.
Júkti aýystyryp tıeýdi qajet etpeıtin jańa transulttyq qatynastyń iske qosylýy balama baǵdarlardy ártaraptandyrýǵa jáne Qazaqstan aýmaǵy arqyly ótetin konteınerlik júk tasymalyn jedeldetýge múmkindik beredi.
Is-shara sońynda Iran Prezıdentiniń atynan Qazaqstan Prezıdentiniń qurmetine arnalǵan resmı qabyldaý boldy.
