«Qazaqstanda keń aýqymdy «Qarasora-2022» jedel-aldyn alý is-sharasy jalǵasyp jatyr. Operasııany Ishki ister mınıstrligi jyl saıyn 1 maýsymnan 30 qazanǵa deıin ótkizedi. Operasııa bastalǵannan beri esirtki qylmysynyń 138 faktisi anyqtaldy. Onyń ishinde 62-si - esirtki ótkizý, 15-i - asa iri mólsherde esirtki zattaryn saqtaý, 43-i - quramynda esirtki bar tyıym salynǵan ósimdikterdi ósirý jáne 10-y esirtki kontrabandasyna qatysty», dedi Shuǵyla Turlybek.
Onyń aıtýynsha, zańsyz aınalymnan 383 keli esirtki zaty tárkilendi. Máselen, Qaraǵandy oblysynyń polısııa qyzmetkerleri Jambyl oblysynan esirtki zattaryn jetkizý arnasyn joıdy. Qylmystyq toptyń 5 qatysýshysy ustalyp, ýaqytsha ustaý ızolıatoryna quryqtaldy. Sondaı-aq zańsyz aınalymnan 200 keli marıhýana esirtki zaty tárkilendi.
«Túrkistan oblysynda jedel is-sharalar ótkizý barysynda Saryaǵash aýdanynda 1 870 dana apıyn kóknárin zańsyz ósirý faktisi anyqtaldy. Al Qyzylorda oblysynyń polısııasy 1 149 túp sora zańsyz ósirilgen esirtki plantasııasyn anyqtady. Sol jerde esirtkini zańsyz saqtaǵany jáne ósirgeni úshin buryn birneshe ret sottalǵan 50 jastaǵy jergilikti turǵyn ustaldy», dep qosty mınıstrlik ókili.
