2014 jyly IPO-ǵa shyqqan sátten bastap KEGOC jylyna 2 ret aksıonerlerge dıvıdend tóleıdi. Jalpy alǵanda, aksıonerlerge shamamen 188 mlrd teńge dıvıdend tólendi.
KEGOC-ta qyzmet kórsetý kólemi ósýiniń oń serpini saqtalýda. Aǵymdaǵy jyldyń alǵashqy bes aıynda elektr energııasyn jetkizý kólemi josparly mánderden 420 mln kVtsaǵatqa (1,8%-ǵa ósti) asyp tústi. Bul eldiń kóterme saýda naryǵynyń sýbektileri úshin elektr energııasyn jetkizý kóleminiń ósýine, sonymen qatar elektr energııasynyń memleketaralyq tranzıti kóleminiń ósýine baılanysty.
KEGOC AQ-nyń 2022-2031 jyldarǵa arnalǵan Damý strategııasynda tutynýshylardy elektrmen jabdyqtaý senimdiligin arttyrý boıynsha is-sharalar kózdelgen. KEGOC jumys istep turǵan joǵary voltty elektr jetkizý jelilerin rekonstrýksııalaý jáne jańa energııa obektilerin salý jónindegi birneshe jobany iske asyrýda. Olardyń ishinde mynadaı 3 iri joba bar: «Kompanııanyń «Aqtóbe JET», «Batys JET» jáne «Sarybaı JET» fılıaldarynyń 220-500 kV ÁJ-lerin rekonstrýksııalaý, «Qazaqstan BEJ-i Batys aımaǵynyń elektr jelisin kúsheıtý, elektr jelilik obektilerdi salý», sonymen qatar qazirgi ýaqytta aıaqtalý satysyndaǵy «Túrkistan qalasyn syrttan elektrmen jabdyqtaý shemasyn kúsheıtý». Osy joba sheńberinde bıyl shildede 220 kV «Ortalyq» qosalqy stansasyn iske qosý josparlanýda.
Energetıka mınıstrliginiń Boljamdyq teńgerimine sáıkes eldegi perspektıvalyq energııa tutynýdy qamtý úshin 2035 jylǵa taman qurylymy ártúrli tehnologııamen ornalasý oryndarymen kórsetilgen shamamen 17,5 GVt jańa óndirýshi qýattardy engizý josparlanýda. Bul úshin kompanııada Ulttyq elektr torabynyń 2035 jylǵa deıin damýynyń boljamdyq modelin ázirleý josparlanýda. Bul onyń aýqymdy jańǵyrýyn, sonymen qatar JEK-tiń ósip jatqan kólemin energııa júıesine qaýipsiz biriktirýdi qamtamasyz etý boıynsha sharalardy iske asyrýdy kózdeıdi.
Osylaısha, KEGOC elektr energetıka salasynyń kóshbasshysy retinde, Qazaqstannyń energııa júıesiniń senimdiligin, qoljetimdiligin jáne ozyq qarqynmen damýyn qamtamasyz etýge yqpal etedi.
