Oblystyq ishki saıasat basqarmasy basshysynyń orynbasary Altynbek Ahmetovtiń aıtýynsha, «Jasyl el» jastar eńbek jasaǵy jobasyn iske asyrý úshin «Jeti jarǵy» qoǵamdyq qorymen kelisimshart jasalǵan. Jobaǵa tartylǵan jastar kógaldandyrý, abattandyrý, qurylys baǵytymen ýaqytsha maýsymdyq jumysty atqarady.
– «Jasyl el» jobasyna jergilikti bıýdjetten 138 mln 700 myń teńge bólindi. Jumys istegen jastarǵa 65 myń teńge jalaqy tólenedi. Arnaýly logotıpi bar kıim jabdyǵymen qamtylady. Bul jobaǵa óńirdegi joǵary oqý oryndarynyń, tehnıkalyq, kásiptik bilim berý kolledjderiniń stýdentterin, jumyssyz, NEET sanatyndaǵy, qala mańy men aýdandardaǵy eldi mekenderde turatyn jastardy qatystyrý kózdelip otyr. Eńbek jasaǵynyń jumys merzimi 1 maýsymnan 31 tamyzǵa deıin jalǵasady, – deıdi Altynbek Ahmetov.
Qurylys jumystaryna 300 jas, al 1 400-den astamy kógaldandyrý men tazalyq jumystaryna bólinedi. Ár jas bir aı jumys isteıdi. Máselen, 18 jasqa deıingi jastarǵa – 36, 18 jastan asqandarǵa 40 saǵat jumys isteýge ruqsat beriledi. Joba aıasynda 1 myń jemis kóshetin egý, Jaıyq ózeniniń jaǵalaýyn qoqystardan tazalaý, balalarǵa arnalǵan oıyn alańdaryn qalpyna keltirý, aksııalar men senbilikter uıymdastyrý josparlanyp otyr.
Atyraý oblysy
