Bilim • 23 Maýsym, 2022

Úzdik ustazdarǵa arnalǵan arnaıy baǵdarlama

30 ret kórsetildi

Prezıdent Qasym-Jomart Toqaev muǵalim tapshy óńirlerdiń másele­sin sheshýdi tapsyrǵan edi. Osyǵan oraı jaýapty vedomstvo arnaıy baǵdarlama ázirlegen bolatyn. Jaqynda Oqý-aǵartý mınıstrligi atalǵan jobanyń iske qosylǵanyn habarlady.

Arnaıy baǵdarlama elimizde muǵalimder tapshylyǵy bar jáne bilim sapasy nashar óńirlerge úzdik pedagogterdi tartýǵa baǵyttalǵan. Buǵan deıin maman tapshylyǵy  Túrkistan, Atyraý, Mańǵystaý jáne Almaty oblystarynda bar ekenin jazǵanbyz. Bul óńirlerge matematıka, fızıka, hımııa, orys tili men áde­bıeti, shet tili muǵalimderi qajet.

Qazirgi ýaqytta baıqaýǵa qatysý úshin qujat qabyldaý júrip jatyr. Oqý-aǵartý mınıstrliginiń aq­paratyna súıensek, qajetti qujat­tar tizimi jergilikti atqarýshy organ­dardyń jáne NZM aqparat resýrstarynda ornalastyrylǵan. Qujattar 2022 jylǵy 26 maýsymǵa deıin qabyldanady.

Mektepke deıingi jáne orta bilim komıtetiniń tóraǵasy Gúlmıra Kárimova: «Halyqaralyq PISA 2018 zertteýiniń jáne Ulttyq biryń­ǵaı testileýdiń nátıjeleri basqa oblystardyń oqýshylarymen salystyrǵanda osy óńirler oqýshy­larynyń biliminde alshaqtyq baryn kórsetip otyr. Atalǵan oblystardyń bilim sapasyn arttyrý jáne pedagog tapshylyǵy máselesin sheshý úshin úzdik muǵalimderdi tartý ma­q­satynda arnaıy baǵdarlama ázirlendi. Pe­dagogter konkýrs arqyly irikteledi. Konkýrsqa tıisti beıinder boıynsha joǵary pedagogıkalyq, joǵary kásiptik bilimi bar, «pedagog-sarapshy», «pedagog-zertteýshi», «pedagog-magıstr» biliktilik sanattary bar muǵalimder, sondaı-aq oqý úlgerimi jaqsy joǵary oqý oryndarynyń pedagogıkalyq maman­dyqtarynyń túlekteri qatysa alady. Pedagogter konkýrsqa turǵylyqty jerine qaramastan qatysa alady», dedi.

Mınıstrliktiń málimdeýinshe, muǵalimderdi bos laýazymdarǵa tartý úshin tıisti óńirlerdiń oblystyq bilim basqarmalary janynan Úı­les­tirý keńesteri, sondaı-aq mı­nıstrlik janynan Konkýrs komıssııasy qurylady. Bos jumys oryndaryna ornalasý úshin úmitkerler kompıýterlik testileýdi sátti tapsyryp, esse jazyp, áńgimelesýden ótýi kerek. Emtıhandar úmitkerdiń tańdaýy boıyn­sha óńirdegi Nazarbaev zııatkerlik mektepterinde qazaq, orys nemese aǵylshyn tilderinde ótkizi­ledi. Al áńgimelesýdi mınıstrlik janyn­daǵy Konkýrs komıssııasy ótkizedi. Komıssııa quramyna «NZM» DBBU, Y.Altynsarın atyndaǵy UBA, «О́rleý» BAUO» AQ jáne Oqý-aǵartý mınıstrliginiń ókilderi ki­redi.

«Konkýrs irikteýinen ótken muǵalimderge 4 aptalyq biliktilikti arttyrý kýrstary men kýrstan keıingi qoldaý jumystary uıym­dastyrylady. Onda onlaın jáne oflaın formattaǵy semınarlar, vebınarlar men sheberlik synyptary, Zııatkerlik mektepterdiń zert­hanalarynda jaratylystaný pánderi muǵalimderine arnalǵan taǵylymdamalar bolady. Úzdik peda­gogterdi tartýǵa arnalǵan arnaıy baǵdarlamada muǵalimderdi qoldaýǵa baǵyttalǵan sharalar kesheni bar. Atap aıtqanda, laýazymdyq jalaqynyń 250% mólsherinde yntalandyrý tólemderi, onyń ishinde jalaqyny kóterý, turǵyn úıdi jaldaý aqysyn jáne kommýnaldyq tólemder shyǵynyn óteý qarastyrylǵan», delingen vedomstvonyń habarlamasynda.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar