Parlament • 23 Maýsym, 2022

Senator: Paıdalanylmaǵan ańshylyq alqaptardy memleketke qaıtarýdy zań júzinde retteý mańyzdy

11 ret kórsetildi

Mal ósirýshiler ańshylyq sharýashylyqtaryna jer tym kóp berildi dep sanaıdy, fermerlerge sondyqtan jaıylym jetispeıdi. Senat depýtaty Janbolat Jórgenbaev óziniń depýtattyq saýalynda Almaty jáne Jetisý oblystary turǵyndarynyń problemalyq máseleleri týraly jan-jaqty aıtyp berdi, dep jazady Egemen.kz.

Senatordyń keltirgen derekter boıynsha, atalǵan aımaqtardyń aýmaǵynda 132 ańshylyq alqap bar, olardyń jeriniń jalpy kólemi 5,0 mln gektardy quraıdy. Sonymen qatar, óńirde jaıylymdyq jerlerdiń tapshylyǵy da baıqalyp otyr. Dál osy kezde malshylardyń óz maldaryn jaıatyn jeri joq.

«Qoldanymdaǵy zańdarǵa sáıkes, ańshylyq alqaptar 10 49 jylǵa deıin ańshylyq sharýashylyqtarǵa ýaqytsha  jer paıdalaný quqyǵymen beriledi (memlekettik orman alqaptaryna ornalasqan jerler - janama orman paıdalaný quqyǵymen).  Bundaı  alqaptardy ańshylyq maqsatqa paıdalaný, ań ósirýdi qospaǵanda, negizinen maýsymdyq sıpatta. Bul rette, osyndaı alqaptardy paıdalanbaǵany úshin memleketke qaıtaryp alý tıisti  zańnamalarda rettelmeýine baılanysty,  ondaı jumystardy júrgizý múmkin bolmaı otyr», dedi senator Janbolat Jórgenbaev.

Depýtat sonymen qatar keıbir ań aýlaý sharýashylyqtary jeke adamdardyń nemese shaǵyn toptardyń múddesi úshin ǵana paıdalanylatynyn, sondyqtan mundaı ań aýlaý serýenderiniń úlken áleýmettik jáne ekonomıkalyq mańyzy joq ekenin atap ótti. Ásirese, mal jaıýǵa arnalǵan jaıylymdar tapshy bolyp otyrǵan kezde onyń qısyny da joq.

Janbolat Jorgenbaev osyǵan baılanysty ıgerilmegen nemese paıdalanylmaıtyn jerlerdi tekserip, túgendeýdi, ań aýlaýǵa arnalǵan jerlerdi bekitý kezinde jergilikti halyqtyń mal jaıý nemese shóp shabý qajettiligin eskerýdi, sondaı-aq ańshylyq sharýashylyqtaryn olardyń jer paıdalanýyndaǵy sý kózderin tazartýdy jáne aýmaqty órtten qorǵaýdy mindetteýdi usyndy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar