Jol aktıvteriniń ulttyq sapa ortalyǵy oblystyq fılıalynyń málimdeýinshe, Pavlodar aýdanyndaǵy Shaqat aýylynda ishki joldarǵa ortasha jóndeý jumystary júrgizillgen. Merdiger buryn asfalt bolmaǵan M.Mámetova, Mehanızator, Beıbitshilik, Ábdikov kóshelerine asfalt tósegen.
Jumys sapasyn baqylaýdy ortalyq fılıalynyń qyzmetkerleri júzege asyrdy.
«Sarapshylar jol jabyndysynyń sapasyn tekserý úshin 14 synama aldy. Zerthanalyq saraptama nátıjeleri boıynsha 6 synama asfalt qalyńdyǵy, tyǵyzdyq koeffısıenti jáne sýǵa qanyqqandyǵy boıynsha standarttarǵa sáıkes kelmeıdi. О́reskel ereje buzýshylyqqa jol berilgen jáne mindetti túrde túzetýdi talap etedi», dep túsindirdi sapa ortalyǵynyń ınjeneri Marat Valıev.
Merdigerge anyqtalǵan aqaýlardy joıyp, bir shaqyrymǵa jýyq joldy qaıta asfalttaý tapsyryldy.
Aıta ketsek, «Aýyl – el besigi» arnaıy jobasy aıasynda Shaqat aýylynyń kóshelerine asfalt tóseýge 100 mıllıon teńgege jýyq qarajat bólingen. Qazirgi ýaqytta jumys 80 paıyzǵa oryndaldy. Taǵy 4 kóshede jóndeý jumystary aıaqtalýy tıis.
