Oqys oqıǵa 22 maýsymda oryn aldy. Nur-Sultan qalasynda Abylaıhan dańǵyly boıynda QR Memlekettik kúzet qyzmeti qyzmetkerleri Baqdáýlet Namıalıev pen Farhat Satýov jaýyngerlik kezekshilikten kele jatqan.
QR MKQ qyzmetkerleri jas qyzǵa shabýyl jasap, kúsh qoldaný arqyly mobıldi telefonyn tartyp almaq bolǵan er adamdy birden toqtatty.
Baqdáýlet pen Farhattyń batyl is-qımyly arqasynda quqyq buzýshy ustalyp, oqıǵa ornyna kelgen polısııa qyzmetkerlerine tapsyryldy.
Kámelettik jasqa tolmaǵan qyzǵa psıhologııalyq jáne alǵashqy medısınalyq kómek kórsetildi.
Keıinnen anyqtalǵandaı, ustalǵan azamat buryn sottalǵan bolyp shyqty.
Atalǵan derekke sáıkes, polısııa qyzmetkerleri tarapynan QR QK 191-baby 2-bóliminiń 1-tarmaǵy boıynsha sotqa deıingi tergeý bastaldy.
«Memlekettik kúzet qyzmetiniń qyzmetkerleri sanaly áreketimen ózderiniń batyldyǵyn, kúsh-jigerin jáne kásibı biliktiligin kórsetti», QR MKQ baspasóz qyzmeti
