Tennıs • 24 Maýsym, 2022

Sheshýshi kezeńde oınaıdy

14 ret kórsetildi

Álemniń 160-raketkasy sanalatyn qazaqstandyq Mıhaıl Kýkýshkın «Ýımbl­don» týrnıriniń negizgi kezeńine joldama beretin irikteý saıystarynyń fınalyna joldama aldy.

Kýkýshkın irikteý saıystarynyń jartylaı fınalynda dúnıejúzilik reıtıngte 230-orynda turǵan 38 jastaǵy germanııalyq Fılıpp Kolshraıbermen kúsh synasty. Birinshi partııa taı-breıkke deıin sozylyp, germanııalyq sportshy jeńiske jetti – 7:6 (7:4). Esesine ekinshi sette qazaqstandyq ten­nısshi ese qaıtardy – 6:3. Al úshinshi, sheshýshi partııada Kýkýshkın 2:0 esebimen alǵa ketti. Esep 5:2 bolyp, matchqa dop bergende, qazaqstandyq tennısshi sol múmkindigin paıdalana almady. Degenmen keıinnen báribir maqsatyna jetti – 6:4. Kýkýshkın irikteý saıystarynyń fınalynda álemniń 178-raketkasy majarstandyq Jombor Pıroshpen kezdesedi. Ony jeńse «Úlken dýlyǵa» ja­rysynyń negizgi kezeńine joldama alady.

Ulybrıtanııanyń Istborn qalasyndaǵy ATP 250 týrnırine qatysyp jatqan Qazaq­stannyń birinshi, álemniń 39-raketkasy Alek­sandr Býblık shırek fınalǵa shyqty. Ekinshi aınalymda ol dúnıejúzilik reıtıngte 86-orynda turǵan aýstralııalyq Djon Mıllmanmen sheberlik baıqasyp, eki sette 6:4, 6:2 esebimen jeńiske jetti. Aleksandr jartylaı fınalǵa shyǵý úshin álemniń 14-raketkasy amerıkalyq Teılor Frıspen kezdesedi.

Sońǵy jańalyqtar

Bılikten ketkisi joq

Álem • Keshe

Venesııadan nesi kem?

Qoǵam • Keshe

Jaýaby joq jumbaq taǵdyr

Ádebıet • Keshe

Aınalma joldyń azaby

Aımaqtar • Keshe

Uqsas jańalyqtar