«Aýǵanstanda qazirdiń ózinde aýyr gýmanıtarlyq daǵdarys adam ólimine ákelgen jer silkinisinen ýshyǵa tústi. EO-nyń jergilikti jerdegi qyzmetkerleri keltirilgen shyǵyn kólemin áli kúnge deıin baǵalap jatqandyqtan, alǵashqy esepter 1 myńnan astam aýǵandyqtyń kóz jumǵanyn jáne odan da kóp adam jaraqat alǵanyn kórsetedi. Qolda bar málimetter boıynsha zardap shekken aýdandarda turatyn 270 myń adam shuǵyl kómekke muqtaj. Osyǵan baılanysty Eýropalyq odaq 1 mıllıon eýro somasynda kómek kórsetti. EO budan ári de barynsha kómek kórsetýge daıyn», dedi Odaqtyń daǵdarysty jaǵdaılardy basqarý komısary Iаnez Lenarchıch.
Qarjylandyrý aýǵandyqtardyń medısınalyq kómek, sýmen jabdyqtaý, sanıtarlyq-gıgıenalyq qyzmetter, turǵyn úı jáne kóp zardap shekken qaýymdastyqtardy qorǵaý qyzmetterin usyný sııaqty shuǵyl qajettilikterin qanaǵattandyrýǵa baǵyttalady.
Aıana Toǵanbek
