Prezıdent • 24 Maýsym, 2022

Prezıdent EQYU-nyń adam quqyqtary jónindegi bıýro dırektoryn qabyldady

34 ret kórsetildi

Prezıdent Qasym-Jomart Toqaev EQYU Demokratııalyq ınstıtýttar jáne adam quqyqtary jónindegi bıýro dırektory Mateo Mekachchıdi qabyldady, dep habarlaıdy Egemen.kz.

Qasym-Jomart Toqaev Mateo Mekachchıge iltıpat bildire otyryp, onyń bul sapary Eýropadaǵy qaýipsizdik jáne yntymaqtastyq uıymymen aradaǵy qarym-qatynasty nyǵaıtý turǵysynan mańyzdy ekenin atap ótti.

Kezdesýde Qazaqstan men EQYU Demokratııalyq ınstıtýttar jáne adam quqyqtary jónindegi bıýro arasyndaǵy demokratııany damytý, adam quqyqtary men zań ústemdigin qamtamasyz etý salasyndaǵy yntymaqtastyqtyń jaǵdaıy men ony damytý perspektıvalary talqylandy.

Prezıdent Qazaqstan Respýblıkasyndaǵy adam quqyqtary jónindegi ýákil men Bıýro arasynda qol qoıylǵan ózara túsinistik jónindegi Memorandýmdy qoldady. Onyń aıtýynsha, bul qujat elimizdiń Bıýromen tyǵyz seriktestikti damytýǵa daıyn ekenin jáne EQYU qundylyqtaryna beıildiligin rastaıdy. Qasym-Jomart Toqaev Bıýro dırektoryna Jańa Qazaqstandy qurýǵa baǵyttalǵan aýqymdy reformalardyń negizgi maqsattary men mindetteri jóninde aıtty.

Mateo Mekachchı EQYU Parlamenttik Assambleıasy aıasynda Qasym-Jomart Toqaevpen qyzmettes bolǵan kezeńdi jáne budan buryn Qazaqstanǵa kelgen saparlaryn yqylaspen eske aldy.

Bıýro dırektory Qazaqstanmen aradaǵy yntymaqtastyqty odan ári nyǵaıtýǵa ázir ekenin atap ótip, elimizben ózara belsendi is-qımyldyń damý barysyna kóńili tolatynyn aıtty.

Sondaı-aq ol Qasym-Jomart Toqaevtyń basshylyǵymen júzege asyrylyp jatqan aýqymdy reformalardy qoldaıtynyn jáne Qazaqstan Eýropadaǵy qaýipsizdik jáne yntymaqtastyq uıymynyń mańyzdy seriktesi ekenin atap ótti.

 

Sońǵy jańalyqtar

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Pavlodarda joǵalǵan ana men bala tabyldy

Aımaqtar • Búgin, 11:40

Uqsas jańalyqtar