Aımaqtar • 24 Maýsym, 2022

Petropavlda Qazaqstan polısııasynyń qurdasy qyzmet etedi

20 ret kórsetildi

Soltústik Qazaqstan oblysynyń eń iri polısııa bólinisi – Petropavl qalasynyń polısııa basqarmasynda Qazaqstan polısııasynyń qurdasy, polısııa maıory Ksenııa Vladımırovna Ishenko qyzmet etedi.

El polısııasynyń 30 jyldyǵy qarsańynda polıseı arý mamandyqqa jetýde ótkergen kezeńderin, qyzmettiń erekshelikteri jáne nemen áýesteneti jaıly aıtty.

Jergilikti polısııa qyzmeti bólimindegi ýchaskelik polısııa ınspektorlarynyń qyzmetin uıymdastyrý bólimshesiniń bastyǵy – Ksenııa Ishenkonyń qazirgi laýazymy osyndaı. Jumys aýqymy óte keń. Ýchaskelik polısııa ınspektorlarynyń jumysy «Myń bir mindettiń jumysy» dep bekerge aıtylmaǵan. 100-den astam polısııa qyzmetkerleriniń jumysyn baqylaý jáne uıymdastyrý ońaı sharýa emes, óte jaýapty. Buryn sottalǵan adamdar, otbasylyq janjaldar, buzaqylar, maskúnemder, nashaqorlar, sondaı-aq ańshy qarýynyń ıeleri – ýchaskelik polısııa ınspektorlary kún saıyn jumys isteıtin adamdar ár túrli. Zań aıasynda áreket ete otyryp, barlyǵynyń tilin taýyp, sypaıy bolý kerek.

Ksenııa Ishenko týraly basshylyq pen áriptesteri oń pikirde. Petropavl qalasynyń PB Jergilikti polısııa qyzmeti bólimi bastyǵynyń orynbasary polısııa podpolkovnıgi Aıdyn Aqmaǵambetovtyń aıtýynsha, ýchaskelik polısııa ınspektorlary jeke quramynyń shtaty 101 qyzmetkerdi quraıdy. Ýchaskelik ınspektorlar óz jumysynda barlyq baǵyttardy qamtıdy. Sáıkesinshe, polısııa maıory Ksenııa Ishenkonyń da jumysy san qyrly. Ol óz mindetterin óte jaqsy atqarady.

Sońǵy jańalyqtar

Uqsas jańalyqtar