Qoǵam • 24 Maýsym, 2022

Mádenıet qyzmetkerleriniń jalaqysy ósedi

178 ret kórsetildi

Elimizdegi «ulttyq» statýsyna ıe mádenıet salasyndaǵy uıym qyzmetkerleriniń eńbekaqysy 75 prosentke ósedi. Bul týraly Mádenıet jáne sport mınıstri Dáýren Abaevtyń mınıstrlikke baǵynysty mekemelerdegi ujymdarmen kezdesýinde aıtty, dep habarlaıdy Egemen.kz.

Tıisti jobany QR MSM ázirlep, QR Úkimeti maquldaǵan.

Qazir mádenıet salasynda «ulttyq» statýsyna ıe 5 iri uıym bar: Muhtar Áýezov atyndaǵy Qazaq ulttyq drama teatry, Qurmanǵazy atyndaǵy Qazaq ulttyq halyq aspaptar orkestri, Abaı atyndaǵy Qazaq ulttyq opera jáne balet teatry, Mıhaıl Lermontov atyndaǵy ulttyq orys drama teatry, sondaı-aq Qazaqstan Respýblıkasynyń Ulttyq kitaphanasy.

Endi atalǵan uıym qyzmetkerleriniń laýazymdyq eńbekaqysy 1.75 koeffısıentimen eseptelip, jalaqy ósetin bolady. Mysaly, 7-10 jyldyq eńbek ótili bar artıster qazir 217 129 teńge alsa, 1 shildeden bastap olardyń eńbekaqysy 379 977 teńgeni quraıdy.

«О́zderińizge belgili, Memleket basshysy mádenıet salasyn damytýǵa, atap aıtqanda onyń qyzmetkerleri úshin qolaıly jaǵdaı jasaýǵa kóp kóńil bóledi. Bul rette mınıstrlik tarapynan aýqymdy jumystar atqarylyp keledi. Eńbekaqyny kóterý – bul mańyzdy baǵyttardyń biri ǵana. Sonymen qatar, biz birqatar mádenıet nysandaryn qaıta jóndeý, materıaldyq-tehnıkalyq bazany jaqsartý jáne qyzmetkerlerdiń biliktiligin arttyrý máselelerin qarastyryp jatyrmyz», dedi Dáýren Abaev.

Almatyǵa sapary aıasynda mınıstr Natalııa Sas atyndaǵy Memlekettik akademııalyq orys balalar men jasóspirimder teatrynda da boldy, odan bólek sala sarapshylarymen birqatar kezdesý ótkizdi.

Sońǵy jańalyqtar

Uqsas jańalyqtar