Qazaqstan • 26 Maýsym, 2022

Amanat medıa syılyǵy: Kil myqtydan kim myqty anyqtaldy

26 ret kórsetildi

Buqaralyq aqparat quraldary qyzmetkerleri kúni qarsańynda Amanat partııasy jýrnalıster arasyndaǵy «Amanat-2022 medıa syılyǵy» respýblıkalyq baıqaýynyń qorytyndysyn jarııalady.

Saltanatty rásim barysynda par­tııa­nyń atqarýshy hatshysy Ashat Oralov bul medıa syılyqtyń 10 jyldan astam tarıhy bar ekenin atap ótti. Bıyl jańa formatta uıym­dastyrylǵan baıqaý janr­lyq sıpattan taqyryptyq baǵytqa aýy­syp, qosymsha Ahmet Baıtursynuly atyn­daǵy «Sóz zergeri» jáne Sherhan Mur­taza men Kamal Smaıylov atyn­daǵy «Tele­vızııa úzdigi» arnaıy syı­lyqtary engizildi.

«Amanat medıa syılyǵy – ha­lyq­tyń úzdik jýrnalısterge bil­dirgen alǵy­sy. Sebebi jýrnalıst – halyq únin jetki­zetin, memleket múddesi úshin kúresetin tulǵa. Osy saltanatty keshke úzdikterdiń úz­digin anyqtaý úshin jınalyp otyr­myz. Meniń oıymsha, jýrnalıst degen maman­dyqty tańdaýdyń ózi úzdik bolý. Elimizde Prezıdent Qasym-Jomart Toqaevtyń jetekshiligimen óte úl­ken, tarıhı ózgerister júrip jatyr. Onyń mán-mazmunyn halyqqa jetkizý isi úlken jaýapkershilikti, asa zor sheber­lik pen kásibılikti talap etedi. Bul min­detti sizder óte joǵary deńgeıde atqa­ryp kelesizder. Baıqaý Jańa Qazaq­standy qurý isinde elimizdiń aqpa­rat­tyq keńistigin kúsheıtýge yq­pal eteri sózsiz», dedi Ashat Oralov.

Baıqaý komıssııasynyń tóraǵasy, belgili jýrnalıst, aqyn, Májilis depýtaty Janarbek Áshimjannyń aıtýynsha, bıyl qazylar alqasyna 260-tan astam ótinim joldanǵan.

«Bıyl kelip túsken jumystardyń 70 paıyzdan astamy tek aımaqtyq buqaralyq aqparat quraldarynan, ıaǵnı óńirlerden joldanǵany qýant­­ty. Jas jýrnalıster de bel­sen­dilik tanyt­ty. Iаǵnı otandyq jýr­nalıstıkada qala­my tóselgen metr­lermen qatar jas maman­dar­dyń tarapynan da úlken qyzyǵý­shy­lyqty baıqadyq. Árıne, bul baıqaý olardyń shyǵarmashylyq sheberligin shyńdaı túseri anyq. Amanat medıa syılyǵynyń basty maqsaty da sol», dep atap ótti Janarbek Áshimjan.

Sonymen baıqaý komıssııanyń sheshi­mimen Amanat medıa syı­lyǵynyń jeńim­pazdary bolyp «Jańa Qazaq­stan­dy» qurý týraly úzdik materıal» atalymy boıynsha «KTK» telearna­synyń tilshisi As­­qarbek Qazanǵap, «Áleý­mettik máselege arnalǵan úzdik materıal» atalymy boıynsha «Prıkas­pıı­skaıa kommýna» qoǵamdyq-saıası gazeti­niń aǵa tilshisi Anjela Lı, «Aımaq týra­ly úzdik materıal» atalymy bo­ıyn­sha «Habar24» telearnasynyń Aq­mola oblysy boıynsha tilshisi Da­mır Shaıdarov, «Jastar týraly úzdik materıal» atalymy boıynsha Dala­news.kz aqparattyq agenttiktiń Abaı obly­syndaǵy tilshisi Qýanysh Sma­ǵulov, «Rýhanı-mádenı damýǵa arnal­ǵan úzdik materıal» atalymy boıyn­sha «Habar» telearnasynyń tilshisi Indıra Jylqaıdarova, «Memlekettik rámizderiniń 30 jyl­­dyǵy týraly úzdik materıal» ata­lymy boıynsha Jańaqorǵan aýdan­dyq «Jańaqorǵan tynysy» gazetiniń tilshisi Álibek Jaryqbaev jáne «Amanat partııasynyń trans­for­masııasy týra­ly úzdik materıal» ata­lymy boıynsha Pre­zıdent Tele­radıokesheniniń rejısseri Vadım Shırıaev marapattaldy.

Al arnaıy syılyqtardyń birin – Ahmet Baıtursynuly atyndaǵy «Sóz zergeri» syılyǵyn áriptesimiz, Egemen Qazaqstan respýblıkalyq gazetiniń Túrkistan oblysy boıynsha tilshisi Ǵalymjan Elshibaı ıelendi. Sherhan Murtaza men Kamal Smaıy­­lov atyndaǵy «Televızııa úzdigi» syılyǵy Qazaqstan ulttyq tele­arnasynyń aqparattyq-sarap­tamalyq baǵdar­lamalar dırek­sııa­synyń basshysy Jalǵas Altaevqa buıyrsa, «Belsendi azamat­tyq usta­nymy úshin» syılyǵy blo­ger, motı­vasııalyq kitaptardyń avtory, tele­júrgizýshi Dáýlet Mu­qaev­qa berildi.

Baıqaý jeńimpazdarynyń biri Indıra Jylqaıdarova jańǵyrý jolyna túsken Amanat partııasynyń medıa syılyǵyna ıe bolý úlken mártebe ekenin atap ótti. «Amanat – eldiń senimin, amanatyn arqa­la­­ǵan partııa. Búgingi baıqaýda meniń Muqaǵalı Maqataevtyń 91 jyl­dyǵy týraly jasaǵan beıne­mate­rıalym elenip jatyr. Bizder, ıaǵnı jýrnalıster qaýymy, partııa da eldiń ıgiligi, qoǵamnyń damýy jo­lynda qyzmet etip júrmiz. El qamy úshin eńbek ete berińizder», dedi ol.

Saltanatty is-sharada óziniń júrek­jardy lebizimen «Jańaqorǵan tyny­sy» gazetiniń tilshisi Álibek Jaryq­baev ta bólisti. «Osyndaı úlken báıge­niń júldesi buıyrady dep kútpedim. Aýdandyq gazette jumys istep júrip, respýblıkalyq baıqaýdyń jeńimpazy bolý, biz­derge shalqar shabyt syılap, shyǵar­mashylyǵymyzdy shyńdaı túsedi. Amanat partııasynyń senimin arqa­ladyq, endi osy joldan taımaı, ultqa qyzmet etýdi jalǵastyramyz», dedi jýrnalıst.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar