Oqıǵa • 27 Maýsym, 2022

BQO-da jol apatynan eki sábı zardap shekti

14 ret kórsetildi

Atyraý-Oral tas jolynda jol apaty bolyp, eki sábı zardap shekti, dep habarlaıdy Egemen.kz.

BQO polısııa departamentiniń málimetinshe, oqıǵa 26 maýsym kúni shamamen 22.00-den keıin Aqjaıyq aýdany aýmaǵynda, Atyraý-Oral jolynyń 351-shaqyrymynda bolǵan. «Cherrı» avtokóliginiń 1979 jylǵy júrgizýshi «ZIL» avtokóligin aınalyp ótemin dep aýdarylyp ketken. Avtokólikte 6 jolaýshy bolǵan. 19 jastaǵy áıel jabyq bas-mı jaraqatyn alyp, mıy shaıqalǵan. Sondaı-aq omyrtqasy, qabyrǵalary synǵan. Basy men ıyq tusy kógergen eki aılyq sábı oblystyq kópbeıindi balalar aýrýhanasyna jetkizildi. Bir jasar balanyń da samaı tusy kógergen. Medısınalyq kýálandyrýǵa sáıkes júrgizýshi ishimdik ishpegen.

Taǵy bir oqıǵa Oral qalasynda M.Sholohov pen Ǵ.Qurmanǵalıev kósheleriniń qıylysynda bolǵan. «Toıota» shaǵyn avtobýsy toqtap turǵan skýter men «VAZ-2110» avtokóligimen túıisken. Saldarynan 5 adam aýrýhanaǵa jetkizilip, skýterde otyrǵan 17 jasar jasóspirim jansaqtaý bóliminde kóz jumdy.

Skýterdiń júrgizýshisi kóptegen dene jaraqattarymen aýrýhanaǵa jatqyzyldy. Jeńil kólikte bolǵan úsh jolaýshy dárigerler qaraǵannan keıin úıine jiberilgen. 

Aldyn ala boljam boıynsha júrgizýshi uıaly telefonǵa alańdaǵan. Bul oqıǵa boıynsha QR QK 345-baby 3-bóligine sáıkes sotqa deıingi tergeý amaldary júrgizilýde. 

Aıana Toǵanbek

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar