О́ner • 27 Maýsym, 2022

Elordada «Nartaı» fılminiń tegin kórsetilimi ótti

55 ret kórsetildi

Elordada «Jazǵy kıno» jobasy aıasynda 2 000-ǵa jýyq bala jýyrda ǵana kórermenge jol tartqan «Nartaı» fılmin tegin tamashalady, dep habarlaıdy Egemen.kz.

«Roza Baǵlanova atyndaǵy «Qazaqkonsert» memlekettik konserttik uıymynyń bul jobasy Balalar jylyna oraı ótýde. 

«Eurasia Film Production» kınokompanııasy usynǵan otandyq fılmdi balalar men olardyń ata-analary zor yqylaspen qabyldady. Kórsetilim bas keıipkerlerdiń rólin somdaǵan akterler Sharıfbek Zakırov pen Anna Starchenkonyń qatysýymen ótti. Ártister kishkentaı kórermenderge jyly lebizderin bildirip, aýdıtorııamen suhbat qurdy. 

Ártisterdiń aıtýynsha, «Nartaı» kınosy dostyq pen baýyrmaldyqqa shaqyryp, árdaıym adamgershilik pen birlik tanytýǵa úndeıdi.  

Budan bólek, kórsetilimge kelgen kórermender kompozıtor Rodıon Tenniń oryndaýynda «Nartaı» kınofılmindegi mýzykalyq shyǵarmalardy jandy daýysta tyńdaı aldy. a

Uıymdastyrýshylar atap ótkendeı, «Jazǵy kıno» jobasy aıasynda maýsym aıynan bastap 7 000 jýyq bala tegin kórsetilimderge qatysty. jobasy «Qazaqfılm» AQ jáne «Ulttyq kınony qoldaý memlekettik ortalyǵymen» KeAQ birlesip ótýde. Jobanyń maqsaty – balalarǵa ónerdiń úzdik týyndylaryn qoljetimdi etý, olardyń boıyna mádenı qundylyqtardy sińirý jáne adamgershilik jáne rýhanı turǵyda damýyna oń yqpalyn tıgizý.

Aldaǵy ýaqytta kórermenderge ózge de otandyq kınotýyndylar usynylady. 27 maýsym kúni saǵat 19:00-de «Paralımpıes» fılminiń kórsetilimi ótedi. Basty rólderdi somdaǵan Asqar Ilıasov, Jalǵas Janǵazın, Aslambek Januzaqov kórsetilimge arnaıy kelip, suhbat bermek. 

«Jazǵy kıno» jobasy aıasynda tegin kórsetilimge kelý úshin 8708 888 19 91 nomerine habarlasyp, aldyn ala jazylý kerek. Sondaı-aq qosymsha aqparatty uıymnyń áleýmettik jelilerinen bilýge bolady.

 

 

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar