Qujatqa sáıkes, laýazymǵa taǵaıyndalǵan sátten bastap bir aı ishinde ýchaskelik ınspektor óziniń ákimshilik ýchaskesin páterlerdi (aýlalardy) aralap, alynǵan aqparatty ákimshilik ýchaskeniń elektrondyq pasportyna engizýi tıis.
Ýchaskelik ınspektorlardyń azamattardy qabyldaýy ýchaskelik polısııa pýnktinde saǵat 17:00-den 20:00-ge deıin júzege asyrylady, sondaı-aq jumys kúni ishinde azamattardy onlaın-qabyldaýdy ótkizýge jol beriledi.
Ýchaskelik polısııa ınspektory men onyń kómekshisiniń jumys ýaqytynyń uzaqtyǵy QR Ishki ister organdarynda qyzmet ótkerý týraly erejege sáıkes belgilenedi, biraq eńbek zańnamasynda belgilengen segiz saǵattan aspaıdy.
Qajet bolǵan jaǵdaıda olar belgilengen ýaqyttan tys, sondaı-aq túngi ýaqytta, demalys jáne mereke kúnderi qyzmettik mindetterin oryndaýǵa tartylýy múmkin.
Ýchaskelik polısııa ınspektorynyń mindetine mynalar kiredi:
Resıdıvti, turmystyq, alkogol qylmysy quqyq buzýshylyqtarynyń aldyn alý, olarǵa yqpal etetin sebepter men jaǵdaılardy anyqtaý;
Ishki ister organdarynda profılaktıkalyq esepte turǵan adamdarǵa qatysty quqyq buzýshylyqtardyń jeke profılaktıkasy;
Senip tapsyrylǵan ákimshilik ýchaskede onyń erekshelikterimen tanysý, halyqpen tyǵyz qarym-qatynas ornatý, azamattarǵa kómek kórsetý jáne quqyqqa qarsy áreketterdiń jolyn kesý arqyly qaýipsizdik pen quqyqtyq tártipti qamtamasyz etý;
Zańnamada belgilengen quzyreti sheginde ákimshilik is júrgizý;
Densaýlyq saqtaý organdaryna, uıymdar men kásiporyndarǵa suraý salýlarǵa;
is júrgizýdegi ákimshilik quqyq buzýshylyq týraly ister boıynsha saraptama taǵaıyndaý týraly qaýlylarǵa qol qoıý jáne olardy jiberý;
Polısııanyń keshendi kúshteriniń narıadtarymen ózara is-qımyl jasaý.
