«Jasyl ekonomıkaǵa» járdemdesedi

«Jasyl ekonomıka» qaǵıdattaryn jáne resýrs únemdeý tehnologııalaryn engizý kezinde Qazaqstanǵa Azııa damý banki járdemdesedi. Qazaqstan men ADB ara­syn­daǵy 2012-2016 jyldarǵa ar­nalǵan áriptestik strategııasynda kórsetilgendeı, qazirgi ýaqytta bank Qaraǵandy qalasynyń orta­lyqtandyrylǵan jylý jelilerin ońaltýǵa qatysty daıyndyq ju­mystaryna tehnıkalyq kómek kórsetýde. Atalǵan joba «Qazaqstan Res­pýblıkasynyń energııa tıim­diligin arttyrýdyń 2012-2015 jyldarǵa arnalǵan keshen­di josparyn» oryndaýǵa sep­ti­gin tıgizedi, «2010-2014 jyldarǵa arnalǵan údemeli ın­dýstrııalyq-ınnovasııalyq damý baǵdarlamasymen» úndesedi, son­daı-aq, Úkimettiń energııa tuty­nýdy jáne otyn resýrstaryn tıim­siz paıdalanýdy tómendetý maq­satyna jetýge múmkindik be­redi. Jobanyń negizgi maqsaty – SCADA júıesin engizý, baqy­laý jáne esepke alý júıesin ja­ńalaý, tranzıttik, jer asty, jer ústi jelilerin qosqanda 127 shaqyrym qubyrlardy aýystyrý, 7 nasos stansasyn jańartý, sondaı-aq, qarjylyq menedjment, satyp alý, áleýmettik qorǵaý, qarjylandyrýǵa qol jetkizý syndy basqa da sharalar boıynsha kásibılikti arttyrý bolyp tabylady. Sondyqtan, Azııa damý bankiniń bul jobaǵa qatysýy kezdeısoq emes. Tabıǵı resýrstardyń azaıýy, qorshaǵan ortanyń lastanýy, energııa tıim­diliginiń tómendigi tikeleı sa­paǵa áser etetinin eskersek, bank­tiń strategııalyq maqsaty – ke­deılikti azaıtyp, ómir sapasyn arttyrýǵa baǵyttalǵan. Sonymen qatar, Azııa damý banki memleket-jekemenshik árip­testigi negizinde qalalyq ınfra­qurylymdar men tabıǵı monopolııa salasyna qatysty jobalardy júzege asyrýda mol tájirıbe jınaqtaǵan. Osy baı tájirıbeni Qazaq­stannyń atalǵan salaǵa jeke ınvestısııa tartý úshin paıdalaný múmkindigi zor. Taǵy bir atap óterligi, ekologııalyq taza tehnologııa, resýrs únemdeý ADB qyzmetiniń basym baǵyttarynyń biri. Osy jolda bank kóptegen elderde túrli jobalardy qar­jy­landyryp qana qoımaı, «jasyl ekonomıka» tehnologııasy arqyly jarqyn úlgi kórsetýde. Mysaly, 2-5 mamyrda Astanada josparlanyp otyrǵan ADB Bas­qarýshylar keńesiniń 47-shi májilisinde «jasyl ekonomıka» qaǵıdattary qoldanylady. Bul degenimiz, ekologııalyq taza ónimder paıdalaný, «jasyl sharalar» ótkizý, túrli resýrstardy paıdalanýdy azaıtý. «Egemen aqparat».