Saltanatty ashylý rásimine Qazaqstan Respýblıkasynyń Italııa Respýblıkasyndaǵy Elshisi Erbolat Sembaev qatysyp, óz sózinde Qazaqstan men Italııa arasyndaǵy dıplomatııalyq qarym-qatynastardyń ornaǵanyna 30 jyl tolý qarsańynda atalǵan is-sharany ótkizýdiń sımvoldyq máni zor ekenin aıtty.
Ol sondaı-aq Qurmetti konsýldyqtyń ashylýy eki eldiń ekijaqty kún tártibin, sonyń ishinde saýda, ınvestısııalyq jáne gýmanıtarlyq baǵyttardy keńeıtý jónindegi saıası erik-jigeriniń kórsetkishi ekenin atap ótti. Qazaqstandyq dıplomat mıllıonnan astam halqy bar, sonymen birge damyǵan týrıstik jáne kólik-logıstıkalyq ınfraqurylymymen tanymal Italııanyń úshinshi iri qalasy - Neapoldegi Qurmetti konsýldyqtyń ashylýy Qazaqstan men Italııa arasyndaǵy yntymaqtastyqty damytýǵa yqpal etetinine senim bildirdi.
Is-sharaǵa qala basshylyǵy, jergilikti BAQ jáne bıznes ókilderi de qatysty. Rásimge qatysýshylarǵa Qazaqstannyń syrtqy saıası jáne ekonomıkalyq jetistikteri, eldegi saıası reformalar jáne ınvestısııalyq ahýaldyń tartymdylyǵy týraly baıandaıtyn aqparattyq materıaldar tabys etildi.
Valentına Massa Qazaqstan Úkimetine senim bildirgeni úshin alǵys aıtyp, eki el arasyndaǵy ózara is-árekettiń áleýetti baǵyttaryn belgiledi. Sóz sóıleý barysynda ol ıtalııalyq kásipkerlerdi qazaqstandyq áriptestermen iskerlik baılanystar ornatý jáne birlesken jobalardy iske asyrý úshin Qurmetti konsýldyqtyń múmkindikterin paıdalanýǵa shaqyrdy.
Keńseniń negizgi fýnksııasy - elimizdiń Kompanııa óńirimen ekonomıkalyq, mádenı-gýmanıtarlyq baılanystardy jolǵa qoıý, sonymen qosa QR azamattarynyń quqyqtaryn qorǵaýǵa járdemdesý.
