Sybaılas jemqorlyqqa qarsy qyzmet kásipkerden Memlekettik satyp alý týraly konkýrsta jeńimpaz dep tanyǵany úshin elorda kvazımemlekettik sektory sýbektileriniń biriniń basshylyǵyna para retinde arnalǵan aqsha qarajatyn talap etken krımınaldyq toptyń ókilin áshkereleý boıynsha arnaıy operasııa júrgizdi.
Osy jyldyń 25 maýsymynda atalǵan adam 15 mıllıon teńge alǵan kezde ustalyp, tergeý sotynyń sanksııasymen qamaýǵa alynǵan edi.
«Ustalǵandardyń turatyn jáne baratyn jerlerinen tirkelmegen jaýyngerlik atys qarýy – «TT» jáne «Smith&Wesson» markaly tapanshalary men olardyń patrondary, sondaı-aq qoldan jasalǵan jarylǵysh qurylǵynyń mýlıajy, kastet, pyshaqtar jáne sýyq qarýdyń basqa da túrleri tabylyp, tárkilendi. Kinálilik týraly qorytyndy sheshimdi sot anyqtaıdy», delingen ANTIKOR habarlamasynda.
