Ekonomıka • 29 Maýsym, 2022

BUU-nyń Jahandyq shartyna qosyldy

43 ret kórsetildi

«Qazatomónerkásip» ulttyq atom kompanııasy Birikken Ulttar Uıymynyń Jahandyq shartynyń (UN Global Compact) tolyq quqyqty qatysýshysyna aınaldy.

BUU-nyń Jahandyq sharty – korporatıvtik áleýmettik jaýapkershilik jáne turaqty damý salasyndaǵy álemdegi eń iri bastama. Ol qazirgi kúni áleýmettik mańyzdy maqsat­tarǵa qol jetkizý úshin sharalar qabyldaýda álemniń 161 elinen 16 myńnan astam qatysýshy-kompanııany biriktirip otyr.

BUU-nyń Jahandyq sharty BUU men úkimetter, azamattyq qoǵam jáne jeke sektor ara­syn­daǵy yntymaqtastyq pen árip­testik qatynastardy ny­ǵaı­tý­da negizgi ról atqarady. Osy bastamaǵa qosylý qatysý­shy-kompanııalardyń óz qyz­metinde adam quqyqtary, eń­bek qatynastary, qorshaǵan ortany qorǵaý jáne sybaılas jemqorlyqqa qarsy kúres salasyndaǵy BUU Jahandyq shartynyń on ámbebap qaǵı­datyn, sondaı-aq BUU-nyń on jalpyǵa ortaq qaǵıdaty men qun­dylyqtaryn ilgeriletý maqsatynda qatysýshylardyń strategııalary men qyzmetin úılestirýge jáne BUU-nyń jahandyq qaǵı­dattary men turaqty damý salasyndaǵy áleýmettik maqsattarǵa qol jetkizýge arnalǵan sharalardy dáıektilikpen engizýge beıil­diligin rastaıdy.

– BUU Jahandyq sharty­na qosylý kompanııanyń ne­giz­gi on qaǵı­datty ustanaty­nyn jáne BUU-nyń Turaqty damý salasyndaǵy jahandyq kún tártibine, maqsattary men bastamalaryna qoldaý kórsetetinin rastaıdy. Turaqty damý – kom­panııanyń Damý strategııasynyń ajyra­mas bóligi. Ony iske asyrý sheń­berinde ónerkásiptik qaýipsizdik, ekolo­gııalyq jáne áleýmettik jaýap­kershilik, korporatıvtik basqarý salasyndaǵy eń joǵary halyqaralyq standarttarǵa sáıkes kelý úshin korporatıvtik tájirıbelerdi jetil­dirý boıynsha turaqty jumys júr­giziledi. Álemdik jetekshi tabıǵı ýran óndirýshi jáne jetkizýshi retin­de «Qazatomónerkásip» óz qyz­metiniń negizgi aspektilerine BUU Jahandyq shartynyń on qaǵıdatyn engizý jónindegi jumysty jalǵas­tyrady jáne turaqty damý sa­la­syndaǵy úzdik álemdik tájirı­belerdi ýran óndirý salasynda ǵana emes, jalpy qazaqstandyq isker­lik qoǵamdastyqta da bıznesti jaýapty júrgizý standarttaryn ilgeriletýge yqpal etetin bolady, – deıdi «Qazatomónerkásiptiń» bas­qarma tóraǵasy Májıt Sháripov.

«Qazatomónerkásip» – álem­­degi eń iri ýran óndirýshi. Top­tyń saladaǵy eń iri rezerv­tik ýran bazasy bar. «Qazatom­óner­kásip» enshiles, táýeldi jáne birlesken uıymdarmen birge 14 ýran óndirýshi kásiporynǵa biriktirilgen 26 ken ornyn ıgerýde. Barlyq ýran óndirý­shi kásip­oryndar Qazaqstan aýma­ǵynda ornalasqan. Kom­panııanyń baǵaly qaǵazdary London qor bırjasynda, «Astana» halyqaralyq qarjy ortalyǵynyń bırjasynda jáne Qazaqstan qor bırjasynda ornalastyrylǵan.

Sońǵy jańalyqtar

«Jalynan sıpatpaıtyn» jalaqy

Qoǵam • Búgin, 00:15

Izgiliktiń alǵashqy qadamy

Aımaqtar • Búgin, 00:11

Úsh nysannyń irgetasy qalandy

Aımaqtar • Búgin, 00:10

О́zgermeli álemdegi yntymaqtastyq joly

Saıasat • Búgin, 00:06

Jetinshi sezdiń arqalaǵan júgi qandaı?

Qazaqstan • Búgin, 00:03

Iemende jaǵdaı turaqtalyp keledi

Álem • Búgin, 00:02

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Uqsas jańalyqtar