«Altyn Tomırıs» syılyǵy tapsyryldy

Jýrnalısterdi kásibı merekesimen quttyqtaǵan mınıstr, eń aldymen aqparat sa­la­synyń el damýy jolyndaǵy mańyz­dylyǵyna toqtaldy.

«Medıa, tek jańalyq taratatyn qural emes, ol – elimizdiń qaýipsizdigi men ıdeo­logııasynyń da ózegi. О́zderińizdi beınelep aıtqanda, qoǵamnyń barometri desek ja­ra­sady. Bılik pen halyqtyń arasyn jalǵap, aqıqattyń ashyq alańynda júr­gen árqaı­syńyzdyń eńbekterińiz baǵaly. Memlekettik saıasatty qalyń buqaraǵa túsindirýde, áleýmettik máselelerdi der kezinde qozǵaýda buqaralyq aqparat quraldarynyń mańyzy zor. Sizderge artylǵan jaýapkershilik úlken. Sol júkti aýyrsynbaı arqalaı alatyn kúsh-jiger tileımin», dedi Dáýren Abaev.

Marapattalǵandar qatarynda Egemen Qazaqstan, «Kazahstanskaıa pravda», «Habar 24», «Qazaq TV», Qazaqstan, «Mır» telearnalary, «Vechernıaıa Astana», «Novoe pokolenıe» gazetteri, Qazaqparat, Baigenews.kz aqparattyq agenttikteriniń tilshileri bar.

Saltanatty rásim aıasynda opera trýp­pa­synyń solısteri óner kórsetip, merekelik konsert usynyldy.

Aıta keteıik, atalǵan syılyq bıyl ekin­shi ret berilip otyr.