Qoǵam • 29 Maýsym, 2022

Esirtki jarnamalaǵan 22 saıt buǵattaldy

23 ret kórsetildi

Internet jelilerine monıtorıng júrgizý nátıjesinde esirtki zattaryn satý týraly jarnama ornalastyrylǵan 22 saıttyń jumysy toqtatyldy. Bul týraly Almaty oblysynyń prokýratýrasy málim etti, dep habarlaıdy Egemen.kz.

«Esirtki zattaryn zańsyz jarnamalaý jáne nasıhattaý faktileri boıynsha 15 sotqa deıingi tergep-tekserý bastaldy», dep málimdedi Almaty oblysy prokýratýrasynyń baspasóz qyzmeti.

Vedomsvto prokýratýra organdary ınternetten bastaý alatyn qylmystardyń basqa da túrleriniń jolyn kesý boıynsha jumystar júrip jatqanyn atap ótti.

Atap aıtqanda, prokýratýra «vkontakte» áleýmettik jelisinde ýákiletti organdar men sottyń tıisti sheshiminsiz, zańmen belgilengen tártipti aınalyp ótip, balalardy satyp alý-satý týraly habarlandyrýlar ornalastyrýdy kózdeıtin 3 ınternet-qaýymdastyqty anyqtaǵan.

Prokýratýra ókilderi adamdy satyp alý-satý nemese oǵan qatysty ózge de mámileler jasaýmen baılanysty is-áreketter úshin múlik tárkilenip, 15 jylǵa deıingi merzimge bas bostandyǵynan aıyrý túrindegi qylmystyq jaýapkershilik kózdelgenin eskertti.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar