Prezıdent • 29 Maýsym, 2022

Kaspıı mańy elderimen taýar aınalymy 9% artty

19 ret kórsetildi

Eýropa, Ortalyq Azııa jáne Qytaı arasyndaǵy tranzıttik aǵyndardy qamtamasyz etý úshin Transkaspıı halyqaralyq kólik baǵdarynyń róli aıtarlyqtaı ósti. Bul týraly Memleket basshysy Qasym-Jomart Toqaev Ashhabadta ótip jatqan Kaspıı sammıtinde aıtty, dep habarlaıdy Egemen.kz.

«Eýropa, Ortalyq Azııa jáne Qytaı arasyndaǵy tranzıttik aǵyndardy qamtamasyz etý úshin Transkaspıı halyqaralyq kólik baǵdarynyń róli aıtarlyqtaı ósti. Osy jyldyń 5 aıynda qazaqstandyq júkterdi tasymaldaý kólemi 2,5 esege, al Kaspıı mańy elderimen jalpy taýar aınalymy 9%-ǵa artty», dedi Prezıdent óz sózinde.

Ol sondaı-aq Qazaqstan teńiz boıynsha júk aǵyndarynyń kólemin ulǵaıtý maqsatynda port ınfraqurylymyn jańǵyrtýǵa jáne teńiz flotyn keńeıtýge kiriskenin habarlady.

«Bizdiń aldymyzda ózekti uıymdastyrýshylyq máselelerdi birlesip ári jedel sheshý mindeti tur dep sanaımyn. Soltústik – Ońtústik perspektıvaly dálizin odan ári damytýǵa da erekshe nazar aýdarý kerek. Ol úshin Shyǵys Azııa men Parsy shyǵanaǵy elderi arasyndaǵy eń qysqa marshrýt - «Qazaqstan – Túrikmenstan – Iran» temir jolynyń múmkindikterin barynsha paıdalanýǵa bolady. Bul jańa logıstıkalyq sheshim bar bolǵany 12 kúnde 6 myń shaqyrymnan asady», dedi Memleket basshysy óz sózinde.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar