Oqıǵa 28 maýsym kúni saǵat 21:45-te bolǵan. Nura aýylynan 4 shaqyrym jerde «Jaraspaı-Nura» avtojolynda eki avtokólik soqtyǵysty. Polısııa departamenti habarlaǵandaı, «Honda Odısseı» avtokóliginiń 58 jastaǵy júrgizýshisi kólik tizginine ıe bola almaı, qarsy jolaqqa shyǵyp ketip, 25 jastaǵy júrgizýshiniń basqarýyndaǵy «Folksvagen Golf» avtokóligine soǵylǵan.
«Honda Odısseı» avtokóliginiń júrgizýshisi oqıǵa ornynda kóz jumdy. «Folksvagen Golf» avtokóliginiń júrgizýshisi medısınalyq mekemede qaıtys boldy», dep habarlady oblystyq PD baspasóz qyzmeti.
Jol apatynan «Folksvagen Golf» avtokóliginiń jolaýshylary da zardap shekti. 37 jáne 33 jastaǵy erli-zaıypty jáne olardyń 11, 8, 7, 6, 5 jáne 2 jastaǵy balalary, sondaı-aq 19 jastaǵy áıeldiń inisi aýrýhanaǵa jetkizilgeni belgili boldy.
