Semeı qalalyq Polısııa basqarmasynyń Kóshi-qon qyzmetiniń qyzmetkerleri alıment tólemeı júrgen, óziniń 7 jáne 9 jastaǵy kámeletke tolmaǵan balalaryna 5 jyl boıy aqsha tólemegen, olarǵa 5 mıllıon teńge qaryz bolǵan adamdy anyqtady.
«29 maýsymda izdestirý is-sharalary barysynda Kóshi-qon qyzmetiniń qyzmetkerleri bir táýlik ishinde izdestirý bastamastan Borodýlıha aýdanynda alıment tóleýden jaltarǵan 29 jastaǵy azamattyń turǵan jerin anyqtady. Endi qaryzdy óndirip alýmen sot oryndaýshylary aınalysady», dedi ShQO PD bastyǵynyń birinshi orynbasary Eldos Zakımov.
Jyl basynan beri polıseıler alıment tólemegen 100-den astam adamdy anyqtady.
Kóshi-qon qyzmeti atqarýshylyq qujatty oryndamaǵany úshin zańda QR ÁQBtK 669-baby boıynsha jáne QR QK 139-baby boıynsha jaýapkershilik kózdelgenin eskertedi.
Aıana Toǵanbek
