Qoǵam • 02 Shilde, 2022

51,4 myńǵa jýyq adam áleýmettik tólem aldy

77 ret kórsetildi

2022 jylǵy 1 maýsymdaǵy jaǵdaı boıynsha Memlekettik áleýmettik saqtandyrý qorynan jumysynan aıyrylýyna baılanysty 51,4 myń adamǵa áleýmettik tólem tólendi, dep habarlaıdy Egemen.kz QR Eńbek jáne halyqty áleýmettik qorǵaý mınıstrligine silteme jasap.

Bıyl 43,4 myń azamatqa tólem alǵash ret taǵaıyndaldy.

Qoldanystaǵy zańnamaǵa sáıkes jumystan bosatylǵan qyzmetkerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aıyrylýy boıynsha áleýmettik tólemder ala alady. Tólem qyzmetker joǵaltqan tabystyń 40%-na deıingi mólsherde MÁSQ qarajaty esebinen júzege asyrylady.

Jumystan bosatylǵan qyzmetkerge tólem taǵaıyndaý úshin:

- eGov.kz portalynda tirkelý;

- «Jumysqa ornalastyrý jáne jumyspen qamtý» bóliminde «Jumys izdep júrgen adamdardy tirkeý» qyzmetin tańdaý;

- onlaın qyzmetke tapsyrys berip, barlyq joldardy toltyrý jáne ESQ-men qol qoıý arqyly ótinimdi jiberý qajet;

- bir kún ishinde ótinish berýshiniń turǵylyqty jeri boıynsha jumyspen qamtý ortalyǵy (budan ári – HJQO) bos jumys oryndaryn usynady;

- eger jumys tabylmasa, 3 kún ishinde qashyqtan jumyssyz mártebesi beriledi (qajet bolǵan jaǵdaıda qosymsha aqparat jınaý úshin ótinish berýshimen HJQO qyzmetkeri habarlasady).

Bul qyzmetti onlaın rejımde Elektrondyq eńbek bırjasy arqyly da alýǵa bolady.

Sońǵy jańalyqtar

Uqsas jańalyqtar