О́tken jyly kúz kelip jetkenshe, sottardyń sheshimi boıynsha zańsyz salynǵan 18 nysan buzylǵan edi. Sot talqylaýynsyz kósheler men aýla aýmaqtary boıyndaǵy memlekettik qor jerlerinde óz erkimen ornatylǵan 300-ge jýyq zańsyz nysan qosa súrilgen edi.
Endi, mine, Almaty qalasynyń ákimi Erbolat Dosaevtyń pármenimen turǵyndardan tynbaı túsken aryz-shaǵymdardyń nátıjesinde «Shuǵyla» shaǵyn aýdanyndaǵy, Báıteli batyr kóshesinde zańsyz turǵyzylǵan 12 qabatty turǵyn úıdi buzý máselesi kóterilip qana qoımaı, súrilip tyndy.
Aınalyp kelgende, Almaty qalalyq sotynyń sheshimimen Almaty qalasynyń qala qurylysyn baqylaý basqarmasynyń talap-aryzy qanaǵattandyrylyp, sot atalǵan nysandy buzý týraly sheshim shyǵardy. Ǵımarat 1 shildede sot oryndaýshylarynyń qatysýymen súrile bastady.
Buǵan deıin qala qurylysyn baqylaý basqarmasy nysanda tekserý júrgizip, sáýlet, qala qurylysy jáne qurylys qyzmeti salasynda birqatar zań buzýshylyqty anyqtaǵan bolatyn. Qurylys júrgizýshige qatysty ákimshilik hattamalar jasalyp, eskertýlerdi joıý týraly uıǵarym shyǵaryldy.
Almaty qalasynyń mamandandyrylǵan aýdanaralyq ekonomıkalyq sot basqarmasy da «Art-Tehnoss» JShS-na zańsyz salynǵan nysandy buzý týraly talap-aryzyn qozǵaǵan bolatyn. Biraq 2021 jylǵy 9 jeltoqsandaǵy sot sheshimimen talap-aryz qanaǵattandyrýsyz qaldyryldy. Osydan keıin qala qurylysyn baqylaý basqarmasy Almaty qalalyq sotyna apellıasııalyq shaǵym túsirdi: talap-aryz qanaǵattandyryldy.
Buǵan deıin de kompanııa ıesine ákimshilik shara qoldanylyp, oǵan ózdiginen demontaj jumystarymen aınalysý tapsyrylǵan edi. Alaıda kásipker sot sheshimin elemegen. Osy sebepti, búginde májbúrli túrde úı buzý sharalary sol kásipkerdiń esebinen júrgizilip jatyr.
ALMATY
