Elorda • 05 Shilde, 2022

Bıyl elorda ákiminiń 1 200-ge jýyq granty bólindi

26 ret kórsetildi

Nur-Sultan qalasy ákimdiginiń saıtynda pedagogıkalyq, medısınalyq mamandyqtar jáne gýmanıtarlyq pánder boıynsha memlekettik bilim berý tapsyrysy ornalastyrylǵan joǵary oqý oryndarynyń tizbesi jarııalandy. Bıyl bul baǵyttarǵa 1200-ge jýyq ákim granty bólindi, dep habarlaıdy Egemen.kz elorda ákimdiginiń resmı saıtyna silteme jasap.

Bilim granty tizim boıynsha mynadaı mamandyqtarǵa beriledi:

- pedagogıkalyq mamandyqtarǵa – 1 050 oryn.
- medısınalyq mamandyqtar boıynsha – rezıdentýraǵa 128 oryn.
- gýmanıtarlyq pánder boıynsha – ıslamtaný, teologııa, dintaný – 15 oryn.

Qala ákiminiń bilim granty Qazaqstan Respýblıkasy Úkimetiniń 2008 jylǵy 23 qańtardaǵy N 58 Qaýlysynyń 2-taraý 11-tarmaǵyna sáıkes berilip keledi.

«Bilim granty jergilikti bıýdjet qarajaty esebinen joǵary bilim berý granttary konkýrsyna qatysý úshin qysqartylǵan oqý merzimderi kózdeletin joǵary bilim kadrlaryn daıarlaýdyń uqsas baǵyttary boıynsha túsýshilerdi qospaǵanda, orta, tehnıkalyq jáne kásiptik nemese orta bilimnen keıingi bilimi bar, UBT-dan ótken jáne onyń nátıjeleri boıynsha beriledi», delingen qalalyq Bilim basqarmasy taratqan habarlamada.

Bilim basqarmasynyń taratqan málimetterine sáıkes granttar mynadaı talaptarǵa ıe azamattarǵa beriledi:
- ulttyq JJOKBU-ǵa túsý úshin – keminde 65 ball, «Pedagogıkalyq ǵylymdar» bilim berý salasy boıynsha – keminde 75 ball, «Densaýlyq saqtaý» salasy boıynsha keminde 70 ball;
- basqa JJOKBU-ǵa túsý úshin – keminde 50 ball, «Pedagogıkalyq ǵylymdar» bilim berý salasy boıynsha – keminde 75 ball, «Densaýlyq saqtaý» salasy boıynsha keminde 70 ball jınaǵandar jiberiledi.

Al medısınalyq mamandyqtar boıynsha rezıdentýraǵa joǵary oqý ornynan keıingi bilim alý úshin myna silteme arqyly ótinish berýge bolady

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar