Qoǵam • 05 Shilde, 2022

QTJ jumysshylarynyń jalaqysy 41 paıyzǵa ósti

102 ret kórsetildi

«QTJ»UK» AQ 2022 jylǵy 1 shildeden bastap eńbek aqy tóleýde tarıhı qalyptasqan «ýchaskelik» óńirlik koeffısıentten oblystyq koeffısıentke kezeń-kezeńimen kóshýdi bastaıdy. Bul týraly kompanııanyń baspasóz qyzmeti málim etti, dep habarlaıdy Egemen.kz.

Búkil óndiristik personal úshin mańyzdy sheshim bıylǵy shyǵyndar men qarjy salasyna túsken aıtarlyqtaı júktemege qaramastan qabyldandy. Jańa koeffıentke kóshý arasyna 6 aı sala otyryp, 4 kezeńde júzege asyrylady jáne 2024 jyly 1 qańtardan asyrmaı aıaqtalady.

Máselen bir oblystaǵy qoldanystaǵy tórt «ýchaskelik» koeffısıenttiń ishinen eń úlkeni – biryńǵaı «oblystyq» koeffısıent retinde qoldanylatyn bolady.

Buryn júrgizilgen sharalar kompanııanyń óndiristik personaly jumysshylarynyń jalaqysy deńgeıin ótken jylǵy kórsetkishke qaraǵanda 41%-ǵa kóterýge múmkindik berdi. Negizgi óndiristik personal jumysshylarynyń jalaqysyn bulaı aıtarlyqtaı kóterý 2013 jyldan beri bolmaǵan.

«QTJ» UK» AQ eldegi iri jumys berýshi bola otyryp, turaqty túrde jumysshylarynyń ál-aýqatyn arttyrý, eńbek jaǵdaıyn jaqsartý máselelerine erekshe kóńil bóledi.

 

Uqsas jańalyqtar