Qoǵam • 05 Shilde, 2022

Erekshe balalarǵa kómektesetin mamandar kóbeıdi

20 ret kórsetildi

Elimizdegi mektepterde arnaıy mamanǵa jańa shtat ashyldy. Soǵan sáıkes endi orta bilim beretin oqý oshaqtaryndaǵy erekshe balalardyń beıimdelýine kómektesetin pedagog-assıstentterdiń sany eki ese ósti. Buǵan deıin 700-diń jobasynda maman bolsa, qazir olar 1 454 adamǵa jetip otyr.

Oqý-aǵartý mınıstrliginiń málim­deýinshe, pedagog-assıs­tent­ter erekshe bilim berý qajet­­tiligi bar balalarǵa kóbi­rek kóńil bólýdi talap etetin ın­klıýzıvti oqytý­da suranys­qa ıe. Pedagogter erekshe oqýshylar­dyń mektepke jáne oqý úrdisine beıimdelýine kómektesedi.

Atalǵan vedomstvo janyn­daǵy Mektepke deıingi jáne orta bilim komıtetiniń tóraǵasy Gúlmıra Kárimova:

«Oqý-aǵartý mınıstrligi erekshe bilim berý qajettiligi bar balalardyń bilim alýyna jaǵdaı jasaý úshin jumys júrgizip jatyr. Buǵan deıin mınıstr Ashat Aımaǵambetov osyndaı shtat engizýdi tapsyrǵan bolatyn. Endi 1,5 myńǵa jýyq pedagog-assıs­tent erekshe balalar oqıtyn mektepterde jumys istep jatyr. Bul muǵalimniń ózin almastyra almaıdy. Dese de pedagog-assıs­tentter erekshe ról atqarady, olar balalarǵa baǵyt berip, oqý úrdisine beıimdelýge kómektesedi. Biz erekshe qajettiligi bar balalar týraly aıtyp otyrǵandyqtan, mysaly, eger bala ózdiginen qozǵala almasa, onda pedagog-assıstentter tehnıkalyq kómek kórsetedi. Ne bolmasa balaǵa defektologtiń kómegi qajet bolsa, pedagogıkalyq qoldaý kórsetedi», deıdi.

Pedagog-assıstent joǵaryda aıtylǵan fýnksııalarǵa qosa erekshe bilim berý qajettiligi bar balalarǵa arnalǵan jeke bilim berý baǵdarlamalaryn ázirleýge qatysady. Qajet bolǵan jaǵ­d­aı­da oqý baǵdarlamalary oqýshy­lardyń erekshelikteri men qajettilikterine qaraı beıim­deledi. Pedagog-assıstentter ótken materıaldy meńgerýge kómektesip qana qoımaı, erekshe balanyń daǵdylarynyń damý deńgeıin de baqylaıdy. Sondaı-aq olar erekshe bilim alýdy qajet etetin balalardyń qaýipsizdigi men densaýlyǵyna qajetti jaǵdaılardyń saq­talýyn qadaǵalaıdy.

Mınıstrlik aldaǵy ýaqytta pedagog-assıstent laýazymyn mektepke deıingi uıymdarǵa da engizbek.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar